हिंसात्मक बाल्यकाल र विषाक्त पारिवारिक वातावरणले वयस्कमा हिंसात्मक व्यवहार बढाउँछ
भदौ २८, काठमाडौं । बाल्यकालमा हिंसा, दुर्व्यवहार र विषाक्त पारिवारिक वातावरणमा हुर्किएका व्यक्तिमा वयस्क भएपछि हिंसात्मक व्यवहार दोहोरिने सम्भावना उच्च हुने नाइजेरियाको लागोस राज्य घरेलु तथा यौन हिंसा एजेन्सीकी कार्यकारी सचिव टिटिलोलोला भिभोर–अडेनीयीले बताएकी छन्।
पञ्च न्युजसँगको अन्तर्वार्तामा उनले घरेलु तथा लैङ्गिक हिंसा न्यूनीकरणका लागि पीडितलाई तत्काल न्याय र स्वास्थ्य सेवा उपलब्ध गराउनुका साथै हिंसाको पुस्तान्तरण हुने चक्र तोड्न बालबालिकामाथि विशेष ध्यान दिनुपर्ने बताइन्।
उनका अनुसार पछिल्ला पाँच वर्षमा एजेन्सीले ३३ हजार ९ जना पीडितलाई सेवा उपलब्ध गराएको छ। तीमध्ये करिब १ हजार १७१ बाल यौन दुर्व्यवहारका घटना र ७९७ बाल दुर्व्यवहार तथा शारीरिक आक्रमणका घटना थिए। यस अवधिमा हिंसा देखेका १० हजार ६१३ बालबालिकालाई भावनात्मक दुर्व्यवहारसम्बन्धी सेवाअन्तर्गत समेटिएको उनले जानकारी दिइन्।
भिभोर–अडेनीयीका अनुसार हिंसात्मक वातावरणमा हुर्किएका केही वयस्कले आफूलाई पनि बाल्यकालमा आमाबुबाबाट हिंसा भएको बताउने गरेका छन्। बाल्यकालमै हिंसालाई सामान्य रूपमा अनुभव गरेका बालबालिकाले मनोसामाजिक सहयोग नपाए भविष्यमा हिंसालाई सामान्य ठान्ने, हिंसात्मक सम्बन्धमा फस्ने वा स्वयं हिंसाको उभचउभतचबतयच बन्ने जोखिम बढ्न सक्ने उनको भनाइ छ।
उनले हिंसा देखेका बालबालिकाका लागि मनोसामाजिक सहयोग अत्यावश्यक रहेको बताइन्। लागोस एजेन्सीले यस्ता बालबालिकाका लागि सहयोग तथा उपचार समूह सञ्चालन गर्दै आएको र अभिभावकलाई बालबालिकालाई त्यस्ता कार्यक्रममा सहभागी गराउन प्रोत्साहित गर्ने गरेको उनले बताइन्।
घरेलु हिंसाका पीडितहरू हिंसा सहेर पनि सम्बन्धबाट बाहिरिन नसक्नुका कारणमा आर्थिक निर्भरता, सामाजिक तथा सांस्कृतिक दबाब, धार्मिक मान्यता, बालबालिकाका कारण घर नछोड्ने सोच र आत्मविश्वासमा आएको कमी प्रमुख रहेको उनले उल्लेख गरिन्।
उनका अनुसार लामो समयसम्म हिंसा सहँदा कतिपय पीडितले आफू नै हिंसाको कारण भएको वा आफूले अझ राम्रो व्यवहार पाउन योग्य नभएको ठान्न थाल्छन्। यस्तो मानसिक अवस्थाले उनीहरूलाई सहायता खोज्न वा हिंसात्मक सम्बन्धबाट बाहिरिन थप कठिन बनाउँछ।
भिभोर–अडेनीयीले लैङ्गिक तथा घरेलु हिंसा रोक्न पीडितलाई सहयोग र न्यायमा पहुँचसँगै रोकथाममा पनि लगानी बढाउनुपर्ने बताइन्। विद्यालय, कार्यस्थल, समुदाय र धार्मिक संस्थामार्फत हिंसाविरुद्ध सचेतना फैलाउनुपर्ने उनको जोड छ।
उनले बालबालिकालाई सानैदेखि सकारात्मक व्यवहार र समानताको शिक्षा दिन तथा किशोर–किशोरीमा स्वस्थ सम्बन्ध र सकारात्मक पुरुषत्वसम्बन्धी कार्यक्रम विस्तार गर्नुपर्ने बताइन्। यसबाट हिंसाको पुस्तान्तरण हुने चक्र तोड्न सकिने उनको भनाइ छ।
Share this with your friends:
प्रत्येक महिला पुरुषभन्दा कमजोर छैनन् : कमला भासिन
नरेश ज्ञवाली ►
भदौ २७, काठमाडौं। दक्षिण एसियामा लैङ्गिक समानता, शिक्षा, गरिबी निवारण, मानवअधिकार र शान्तिका...
पुरुष कलमले पूर्ण नारीलाई लेख्न सक्दैन
काठमाडौं। मान्छेहरू कडा भएर बोलेको भन्दा नरम भएर बोलेको मनपर्छ । खरा कुराभन्दा नरम, सरस र सलिल कुराहरू मनपर्छ । तर...
कालो तिलले कम्मर दुखेको र अनुहारमा भएको पोतोको उपचार गर्छ
काठमाडौं । कालो तिल अथवा तिलबाट प्राप्त हुने बिऊ तेल उत्पादनको लागि प्रयोग गरिन्छ । अनुहारमा चायाँ, पोतो वा दाग,...
दुबईमा पहिलो पटक नेपाली कल्चरल पहिरनको फेसन शो सम्पन्न
काठमाडौं। गत माघ २८ गते दुबईमा नेपाली कल्चरल पहिरनको फेसन शो पहिलो पटक फेसन फ्युजन २०१७ सम्पन्न भयो । एनआरएन...
उमेर अनुसारको हुनुपर्छ खान्की, अनि मात्र मानिस स्वस्थ रहन्छ
काठमाडौं। पोषणको आवश्यकता उमेरअनुसार परिवर्तन हुन्छ । उमेरको हरेक अवस्थामा स्वयंलाई स्वस्थ राख्न शरीरलाई...
मुलुकका सम्मानित पदमा महिलाको उपस्थिति, सबैका लागि आशाको ढोका उघारे
काठमाडौं। अहिले नेपालका तीनवटै अंगका प्रमुख महिला भएकाले नेपाली राजनीतिक क्षेत्रमा मात्र नभएर सामाजिक...
यी भोजन खाए छाला सुन्दर हुन्छ !
काठमाडौं। स्ट्रबेरी : यो भिटामिन सीले भरपुर हुन्छ । भिटामन सीले छालालाई चाउरीबाट जोगाएर सधैं जवान राख्न मद्दत...
लोग्नेमान्छेको जात केटी देखेपछि.....
काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले...
मनोसामाजिक समस्या के हो?
साउन ११, काठमाडौं । मनोसामाजिक समस्या भन्नाले मन र समाज वीच हुने समस्या हो । यो जो कोही व्यक्तिलाई पनि हुन सक्छ ।...
महिलाको दोस्रो विवाहको कुरा सुन्दा पढेलेखेकैले अनुहार बिगार्छन्
काठमाडौं। दोस्रो विवाहबारे मैले नसोचेको, नचाहेको होइन । तर, म मेरा आत्मीयसँग फेरि विवाह गर्नेबारे कुरा गर्छु,...
