फेसन हरेक पल बदलिन्छ, यस्ता छन् फेसन गर्ने सही तरिका

साउन ३२, काठमाडौं। फेसनको संसारमा कुनै निर्धारित नियम हुँदैन । फेसन हरेक पल बदलिन्छ र यसको नियम पनि परिवर्तन हुँदै जान्छ । अत: ती नियमलाई ब्रेक गर्ने उपाय जान्नु नै उपयुक्त हुन्छ । 
 

प्रिन्ट्सलाई एकसाथ पेयर गर्नु हुँदैन : प्रिन्ट्सलाई मिक्स–म्याच गर्नु लेटेस्ट र हटेस्ट ट्रेन्ड हो । स्ट्राइप्स, पोल्का डट्स वा एनिमल प्रिन्ट जे भए पनि प्रिन्ट्सलाई स्मार्ट तरिकाले मिक्स म्याच गरी हट लुक क्रिएट गर्न सकिन्छ । 

ओपन सुजका साथमा : ओपन सुजका साथमा स्टकिङ्स वा मोजाको प्रयोग गर्नु पनि एउटा लुक हो, तर कन्ट्रास्ट पेयरिङ होस् भन्ने कुरामा ध्यान पुर्‍याउनुपर्छ । सिल्भर स्यान्डल्सका साथमा ब्ल्याक स्टकिङ्स वा ब्राउन सुजका साथमा पनि यसलाई मिलाएर लगाउन सकिन्छ । 
 

लङ ड्रेस वा पाइन्टका लागि अग्लो हुनुपर्छ :उचाइ कम भएका युवतीहरू पनि लङ ड्रेस वा पाइन्टमा स्मार्ट देखिन सक्छन् तर यो फिटिङ भने हुनुपर्छ । 
 

सिक्वेन्स र मेटालिक : आफ्नो स्पार्कल र चार्मलाई एउटा ड्रेसमा सीमित राख्नुपर्छ र डे लुक सिर्जना गर्नुपर्छ । टप वा ज्याकेटमा मात्र सिक्वेन्स हुनुपर्छ । 

नेबी ब्लु र ब्ल्याक एकसाथ लगाउनु हुँदैन : अब यस्तो कुनै ट्रेन्ड छैन । त्यसैले यो नियमलाई बिर्सनु नै उपयुक्त हुन्छ । ब्लु र ब्ल्याकलाई पेयर गर्दा मोर्डन लुक प्राप्त हुन्छ । 

गोल्ड र सिल्वरलाई मिक्स–म्याच गर्नुहुँदैन : यो नियमबाट पनि छुटकारा प्राप्त गर्न सकिन्छ । एसेसरिज होस् वा गहना, मेटालिक सेड्सले एक–अर्कालाई कम्प्लिमेन्ट गर्छ। 

ह्यान्ड ब्याग र सुज म्याचिङ गर्नुपर्छ : यो नियम पनि पछ्याउनु जरुरी छैन । अहिले सिंगल कलरको साटो मिक्स कलरफुल एसेसरिजको ट्रेन्ड छ । 

सोर्ट्स र सर्ट ड्रेस समरका लागि मात्र हो : होइन, प्रिन्टेड टाइट्स वा सटर््सका साथमा बुट्स लगाएर विन्टर लुक सिर्जना गर्न सकिन्छ । 

स्निकर्स जिमका लागि नै हो : अब यो ट्रेन्ड छैन । स्निकर्सको सही छनोटले स्टाइल प्रदान गर्छ । लेदर पाइन्ट र स्कर्टसित स्निकर्सलाई कम्बाइन गर्न सकिन्छ । 

रेड लिपिस्टिक इभिनिङका लागि मात्र उपयुक्त हुन्छ : यसलाई दिनमा पनि प्रयोग गरी हट लुक क्रिएट गर्न सकिन्छ । रेड लिपिस्टिकसित अन्य मेकअप भने मिनिमम राख्नुपर्छ । आउटफिटको कलर पनि न्युट्रल हुनुपर्छ । 

स्वेट पाइन्ट घरमा मात्र लगाउन सकिन्छ : हालै यो ट्रेन्डमा परिवर्तन आएको छ । राम्रो फिटिङको स्वेट पाइन्ट छ भने त्यो कुल देखिन्छ । यसलाई पिप टो बुटिज वा हिलन र स्ट्रक्पर्ड ब्लेजरसित पेयर गर्नु उपयुक्त हुन्छ । 

दुईवटा बोल्ड कलर एकसाथ लगाउनु हुँदैन : कलर ब्लकिङको अर्थ नै हुन्छ दुई–तीन वटा कलरलाई एकसाथ लगाउनु । यो धेरै समयदेखि ट्रेन्डमा छ । एसेसरिजमा कलर ब्लकिङ प्रयोग गर्न सकिन्छ । 

एउटै साइजको पहिरन लिनुपर्छ : आफ्नो साइज जे छ आँखा बन्द गरी त्यही साइजको कपडा वा जुत्ता खरिद गर्नुपर्छ भन्ने छैन । हरेक स्टोर वा ब्रान्डको फिटिङ अलग–अलग हुन्छ । अत: ट्रायल गरी आफ्नो फिटिङको हिसाबबाट नै पहिरन खरिद गर्नुपर्छ । 

जिन्सलाई रेग्युलर वास गर्नुपर्छ : जिन्स जति चाँडो र बढी वास गरिन्छ, त्यसको फिटिङ त्यति नै खराब हुन्छ, कारण यसबाट त्यसको सेप बिग्रिएर लुज हुन्छ । जिन्सका पहिरन लामो समयसम्म नधोई लगाउन सकिन्छ । 

सियर टप अफिसमा लगाउनु हुँदैन : पछिल्लो केही समययता सियर फेसनमा छ । सियर लगाउनुको अर्थ सी–थु्र टप लगाउनु होइन । सेयर वा सिल्क इनरका साथमा ट्रान्सपरेन्ट टप लगाउन सकिन्छ वा सियर टि–सर्टसित सोलिङ कलरका साथमा पेयर गर्नुपर्छ । 

हाइ वेस्ट पाइन्ट वा जिन्स लगाउनु हुँदैन : फिटिङ र सही पेयरिङ गरी थोरै हाइ वेस्ट जिन्स लगाउनुपर्छ, यसले स्लिम लुक प्रदान गर्नुका साथै अग्लो महसुस गराउँछ ।