दुबाईमा नेपाली फेसन सोको अडिसन आज

दुबाई – छेपारो डट कमको आयोजनमा आगामी मे महिनामा दुबाईमा हुने फेसन शोको सहभागिताका लागि बिशेष कारणले स्थगित भएको अडिसन अप्रिल २८ तारिक हुने भएको छ |
अन्तरास्ट्रिय रुपमा नेपाली भेषभुषा प्रवद्र्धन तथा प्रचार प्रसार गर्ने मुख्य उद्देश्यका साथ छेपारो डटकम को प्रस्तुतिमा दुबाईमा आगामी मे १९ तारिक फेसन फ्युजन— २०१७ हुने भएको हो |आयोजकले यो भन्दा अगाडी अप्रिल २१ र २२ गते अडिसन गर्ने सुर्चना सार्वजनिक गरेको थियो |

अप्रिल २८  तारिक बुरदुबाईको लब्सी रेस्टुरेन्टमा अपरान्ह १ बजे देखि ३ बजे सम्म र साझ ६ बजे देखि ८ बजे सम्म दुई चरणमा हुने अडिसनमा नयाँ तथा स्थापित गरी अहिले सम्म ७५ जनाले अडिसन फारम बुझाएको कार्यक्रमका संयोजक आकाश खतिवडाले मोफसललाई बताए |

आयोजकका  अनुसार यो पटक अफगानिस्तान , फिलिपिन्स , जर्मन , इन्डीयन तथा रसियन मोडलहरुको पनि सहभागिता रहने छ | अडिसनमा सहभागी प्रतिस्पर्धीबाट १४ जना जना महिला १४ जना पुरुष मोडल छनौट हुने आयोजकले जनाएका छन |
डिजाइनर तृष्णा गुरुङको एकल श्रृजनामा आयोजित फेसन शोमा शोको सावित्रा खत्रीको कोरियोग्राफी गर्ने छिन | शो स्टपर नायिका नम्रता सापकोटा रहने फेसन फ्युजन— २०१७ लाई सांगीतिक बनाउन गायक अनिल सिङ पनि सहभागी रहने आयोजकले जानकारी गराए | यसै टिमले गत फेब्रुअरी १० तारिकका दुबाईमा पहिलो पटक फेसन फ्युजन— २०१७को आयोजना गरि सकेको छ |