ओस्कारका लागि नेपालको प्रतिनिधित्व गर्दै ‘एलिफेन्ट्स इन द फग’

भदौ २८, काठमाडौं । नेपाली चलचित्र ‘एलिफेन्ट्स इन द फग’ ९९औँ एकेडेमी अवार्ड्स ९ओस्कार० का लागि नेपालको आधिकारिक चलचित्रका रूपमा छनोट भएको छ। अविनाशविक्रम शाहको लेखन तथा निर्देशन रहेको यो चलचित्रले नेपाललाई अन्तर्राष्ट्रिय चलचित्रको प्रतिस्पर्धामा प्रतिनिधित्व गर्नेछ। 

चलचित्रको कथा नेपालको एक गाउँमा बस्ने किन्नर समुदायकी मातृचरित्र पिरातीको वरिपरि केन्द्रित छ। पिराती आफूले माया गर्ने पुरुषसँग नयाँ जीवन सुरु गर्ने सपना देखिरहेकी हुन्छिन्। तर समुदायकी एक युवती हराएपछि उनलाई आफ्नो व्यक्तिगत चाहना र समुदायप्रतिको जिम्मेवारीमध्ये एउटा रोज्नुपर्ने अवस्था आउँछ। 

चलचित्रमा पुष्पा थिङ लामा, दीपिका यादव, जस्मिन बिश्वकर्मा, अलिज घिमिरेलगायत कलाकारको अभिनय छ। फिल्मको निर्माण नेपालसँगै फ्रान्स, जर्मनी, ब्राजिल र नर्वेको सहकार्यमा भएको हो। 

‘एलिफेन्ट्स इन द फग’ ले यसअघि २०२६ को कान्स फिल्म फेस्टिभलको ग्ल ऋभचतबष्ल च्भनबचम विधामा जुरी पुरस्कार जितेको थियो। कान्सको आधिकारिक छनोटमा पर्ने यो पहिलो नेपाली फिचर फिल्म बनेको थियो। 

फिल्मले किन्नर समुदायले भोग्ने सामाजिक विभेद, समुदायभित्रको सम्बन्ध, जिम्मेवारी र स्वतन्त्रताको चाहनालाई कथाको केन्द्रमा राखेको छ। पिरातीको चरित्रमार्फत आफ्नो समुदायको संरक्षण र व्यक्तिगत स्वतन्त्रताबीचको द्वन्द्वलाई चलचित्रले प्रस्तुत गरेको छ। 

९९औँ ओस्कारका लागि नेपालको प्रतिनिधित्व गर्ने अवसर पाएसँगै चलचित्रले नेपाली फिल्मलाई अन्तर्राष्ट्रिय मञ्चमा थप चिनाउने अपेक्षा गरिएको छ। यसअघि कान्समा प्राप्त सफलतापछि ओस्कार यात्राले नेपाली चलचित्रको अन्तर्राष्ट्रिय पहुँच विस्तार गर्ने अर्को महत्वपूर्ण अवसर सिर्जना गरेको छ।