फागुन १७, काठमाडौं । सेन्ट्रल फेसन हबले एशियाज् वेष्ट फेसन डिजाइनिङ इन्स्टिच्युट अवार्ड जितेको छ। भारतको चेन्नाईमा रुला अवार्डस्को सहकार्यमा भर्खरै संचालन भएको एशियाको नम्वर वन् ब्रान्ड एण्ड एक्सिलेन्स अवार्ड मानिएको एशिया अवार्डस्मा नेपालको फेसन डिजाइनिङ अध्यापन गराउने संस्था सेन्ट्रल फेसन हब पहिलो भई पुरस्कृत भएको हो । अवार्ड संस्थाका संस्थापक निर्देशक,फेसन डिजाइनिङ ट्रेनर श्री नविन लुईंटेललाई प्रदान गरिएको छ ।
नेपाल पोशाक महासंघ र नेपाल फेसन डिजाइनर संघका अध्यक्ष समेत रहेका नविनले यस अघि इन्टरनेसनल इन्डिजिनियस आर्टस् एण्ड फेसन अवार्डस् २०२० मा फेसन इन्फ्लुएन्सर अफ द इयर अवार्ड समेत प्राप्त गरेका थिए ।
एशिया अवार्डस् जित्न सफल सेन्ट्रल फेसन हबले फेसन एण्ड अपरेल डिजाइनमा एक वर्षे डिप्लोमा कोर्षका साथै फेसन डिजाइनिङमा अन्य सर्ट टर्म कोर्ष पनि अध्यापन गराउँदै आएको छ । ललितपुर कुपण्डोलको हनुमानथान बाहेक सेन्ट्रल फेसन हब पोखरा, हेटौंडा, उर्लाबारी र विर्तामोडमा समेत विस्तारित भइसकेको छ ।