Advertisement
Advertisement
Advertisement
Advertisement
बाढीको प्रभावले यसपालि तीज गीतको चहलपहल घट्यो
web image
भदौ २३, काठमाडौं । सामान्य अवस्थामा यतिबेला तीज गीतले नेपाली संगीत बजार तताइसकेको हुन्थ्यो। सामाजिक सञ्जाल, रेडियो तथा टेलिभिजनमा नयाँ–नयाँ तीज गीत गुञ्जिरहेका हुन्थे। तर, यस वर्ष हरितालिका तीज नजिकिँदै गर्दा विगतको तुलनामा तीज गीतको चहलपहल निकै कम देखिएको छ।
यस वर्ष भदौ २९ गते हरितालिका तीज परेको छ। तीज आउन एक साता मात्रै बाँकी रहँदा पनि विगतका वर्षमा जस्तो नयाँ गीतको बाढी आएको छैन। यसको मुख्य कारण पछिल्लो समय देशमा आएको विनाशकारी बाढीपहिरो र त्यसबाट सिर्जिएको असहज परिस्थिति रहेको कलाकार तथा सर्जकहरू बताउँछन्।
भोटेकोसीमा आएको बाढीपहिरोबाट ठूलो जनधनको क्षति भएपछि त्यसको प्रभाव मनोरञ्जन क्षेत्रमा पनि परेको छ। तीजलाई लक्षित गरेर लामो समयदेखि तयारीमा रहेका कतिपय गीत निर्माणकै क्रममा रोकिए भने तयार भइसकेका गीतसमेत तत्काल सार्वजनिक गरिएनन्।
अहिले परिस्थिति केही सहज बन्दै गएपछि रोकिएका केही गीत भने क्रमशः सार्वजनिक हुन थालेका छन्। गायिका विष्णु माझीको तीज गीत ‘घरबार’, फिल्म ‘झिंगे दाउ २’ को ‘जेठानी भर्सेस देउरानी’, प्रकाश सपुत र निशा सुनारको ‘लाली लपक्कै सारी सपक्कै’ तथा समीक्षा अधिकारीको ‘यसपालिको तीज बरै मेलबर्नमा’ सार्वजनिक भएका छन्।
तर, तयार भएका सबै गीत बजारमा आउने अवस्था भने छैन। कोरियोग्राफर तथा निर्देशक मौसम हिमालीका अनुसार उनले यस वर्ष करिब २५–२६ वटा तीज गीतमा काम गरेका छन्। केही गीत सार्वजनिक भए पनि केही अझै रोकिएका छन्। अडियो तयार भइसकेका केही गीत अर्को वर्षका लागि सार्ने तयारीसमेत भइरहेको छ।
राष्ट्रिय लोक तथा दोहोरी गीत प्रतिष्ठानका अनुसार तीज गीत सार्वजनिक गर्न छुट्टै दर्ता वा अनुमति आवश्यक नपर्ने भएकाले हरेक वर्ष कति गीत सार्वजनिक हुन्छन् भन्ने आधिकारिक तथ्यांक छैन। तर, सामान्य अवस्थामा करिब तीन सयको हाराहारीमा तीज गीत बजारमा आउने अनुमान गरिन्छ। यस वर्ष भने बाढीपहिरोको प्रभावले यो संख्या उल्लेख्य रूपमा घट्ने देखिएको छ।
सार्वजनिक भएका गीतले पनि विगतका वर्षमा जस्तो व्यापक चर्चा पाउन सकेका छैनन्। अहिलेसम्म एलिना चौहानको ‘नौरती फुली’ र विष्णु माझीको ‘घरबार’ ले तुलनात्मक रूपमा बढी चर्चा पाएका छन्।
बाढीको प्रभाव तीज गीतमा मात्रै सीमित छैन। केही कलाकारले विदेशमा तय भएका तीज विशेष सांगीतिक कार्यक्रमसमेत स्थगित गरेका छन्। गायिका रचना रिमालले अस्ट्रेलियामा तय भएका आफ्ना सबै तीज कार्यक्रम रद्द गरेर नेपाल फर्किएकी छन्। उनले अहिले उत्सवभन्दा विपद्मा परेका नेपालीको साथमा उभिनु आवश्यक रहेको बताएकी छन्।
लोकदोहोरी गायक खुमन अधिकारीले पनि अस्ट्रेलियालगायत विभिन्न देशमा तय भएका तीज विशेष कार्यक्रम स्थगित गरेका छन्।
तर, केही कलाकारले भने तीज कार्यक्रमलाई राहत तथा सहयोगको माध्यम बनाएका छन्। अस्ट्रेलियामा रहेकी गायिका एलिना चौहानले तीज कार्यक्रमलाई च्यारिटी कार्यक्रममा परिणत गरेकी छन्। उनका अनुसार तीनवटा च्यारिटी कार्यक्रमबाट संकलित रकम बाढी प्रभावितका लागि पठाइएको छ।
एलिनासहित पशुपति शर्मा र प्रताप दासले अस्ट्रेलियामा तीज मेला २०२६ मा प्रस्तुति दिएका थिए। त्यस्तै, खेम सेञ्चुरी र समीक्षा अधिकारीले न्युजिल्यान्डमा तीज मेलामा प्रस्तुति दिएका छन् भने शान्तिश्री परियार तीज विशेष कार्यक्रमका लागि जापान पुगेकी छन्।
यस वर्षको तीजमा मनोरञ्जनको उत्साह विगतको जस्तो नदेखिए पनि कलाकार तथा सर्जकले विपद्को संवेदनशीलतालाई ध्यानमा राख्दै आफ्ना गतिविधि अघि बढाइरहेका छन्। कतिपयले कार्यक्रम स्थगित गरेका छन् भने कतिपयले तीजकै माध्यमबाट बाढी प्रभावितलाई सहयोग गर्ने प्रयास गरेका छन्।
Share this with your friends:
Advertisement
Advertisement
प्रत्येक महिला पुरुषभन्दा कमजोर छैनन् : कमला भासिन
नरेश ज्ञवाली ►
भदौ २७, काठमाडौं। दक्षिण एसियामा लैङ्गिक समानता, शिक्षा, गरिबी निवारण, मानवअधिकार र शान्तिका...
पुरुष कलमले पूर्ण नारीलाई लेख्न सक्दैन
काठमाडौं। मान्छेहरू कडा भएर बोलेको भन्दा नरम भएर बोलेको मनपर्छ । खरा कुराभन्दा नरम, सरस र सलिल कुराहरू मनपर्छ । तर...
कालो तिलले कम्मर दुखेको र अनुहारमा भएको पोतोको उपचार गर्छ
काठमाडौं । कालो तिल अथवा तिलबाट प्राप्त हुने बिऊ तेल उत्पादनको लागि प्रयोग गरिन्छ । अनुहारमा चायाँ, पोतो वा दाग,...
दुबईमा पहिलो पटक नेपाली कल्चरल पहिरनको फेसन शो सम्पन्न
काठमाडौं। गत माघ २८ गते दुबईमा नेपाली कल्चरल पहिरनको फेसन शो पहिलो पटक फेसन फ्युजन २०१७ सम्पन्न भयो । एनआरएन...
उमेर अनुसारको हुनुपर्छ खान्की, अनि मात्र मानिस स्वस्थ रहन्छ
काठमाडौं। पोषणको आवश्यकता उमेरअनुसार परिवर्तन हुन्छ । उमेरको हरेक अवस्थामा स्वयंलाई स्वस्थ राख्न शरीरलाई...
मुलुकका सम्मानित पदमा महिलाको उपस्थिति, सबैका लागि आशाको ढोका उघारे
काठमाडौं। अहिले नेपालका तीनवटै अंगका प्रमुख महिला भएकाले नेपाली राजनीतिक क्षेत्रमा मात्र नभएर सामाजिक...
यी भोजन खाए छाला सुन्दर हुन्छ !
काठमाडौं। स्ट्रबेरी : यो भिटामिन सीले भरपुर हुन्छ । भिटामन सीले छालालाई चाउरीबाट जोगाएर सधैं जवान राख्न मद्दत...
लोग्नेमान्छेको जात केटी देखेपछि.....
काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले...
मनोसामाजिक समस्या के हो?
साउन ११, काठमाडौं । मनोसामाजिक समस्या भन्नाले मन र समाज वीच हुने समस्या हो । यो जो कोही व्यक्तिलाई पनि हुन सक्छ ।...
महिलाको दोस्रो विवाहको कुरा सुन्दा पढेलेखेकैले अनुहार बिगार्छन्
काठमाडौं। दोस्रो विवाहबारे मैले नसोचेको, नचाहेको होइन । तर, म मेरा आत्मीयसँग फेरि विवाह गर्नेबारे कुरा गर्छु,...
Advertisement
Advertisement
Advertisement
Advertisement
Advertisement
Advertisement
