फेसनमा लेहेंगा चोली

असार ३१, काठमाडौं । समय अनुसार फेसनमा परिवर्तन आउनु अहिले सामान्य मानिन्छ । हरेक दिन जसो फेसनमा नयाँपन देख्न बजारका आउटलेट हेरे पुग्छ । यस्को प्रत्यक्ष उदाहरण अहिलेको फेसन बजार नै हो । मानिसहरुको सोचाइलाई फेसनले परिवर्तन गराएको छ । मानिसको व्यक्तित्व पहिरनमा निर्भर गर्छ भन्नेहरुको संख्या पनि बढ्दै गएको छ  । झट्ट हेर्दा पहिरन फेसनका लागि मात्र हो भन्ने बुझिएपनि आरामदायी तथा सफा व्यक्तित्व झल्किने भएकाले अहिलेका युवायुवती फेसनमा सचेत छन् । फेसन एउटा समयको माग हो । समय संगसंगै पहिरनहरुको डिजाईन पनि परिवर्तन भएको पाइन्छ । बिगत ५ वर्षदेखि पार्टी लगायत विभिन्न समारोहमा अझ धेरै फेसनेवल पहिरन देख्न सकिन्छ ।

गएका वर्षहरु भन्दा अहिलको फेसन बजारले नेपालमा आफ्नो छुट्टै पहिचान बनाएको छ। अहिलेको फेसन बजार हेर्ने हो भने लेहेंगा चोलीको माग निकै छ । 

पछिल्लो समय लेहेंगा चोली भन्दा फेसन पारखिको ध्यान गाउनतर्फ पनि आकर्षित भएको पाइन्छ । लगाउदा सजिलो र स्टाइलिस्ट लुक्स देखिने भएकोले पार्टी र क्याजुअल वेयर दुवैमा तयार गर्न मिल्ने गाउनले मार्केट तताएको छ । 

विशेष गरी ग्रे,बेबी पिकं,सी ग्रीन,नेबी ब्लु,लेमन ग्रीन जस्तो रंगका लेहेंगा चोलीको माग निकै बढेको छ । पार्टी वेयरका निम्ति जरजेट, सिफन, रअ सिल्क, स्वीच स्र्याटन जस्ता कपडामा हातद्धारा एउटा गाउनलाई आकर्षक पोसाक बनाउन सकिन्छ भने प्रिन्टेड सिफन, प्रिन्टेड रअ सिल्क,प्लेन रअ सिल्क र टिस्युमा क्याजुअल वेयर तयार गर्न सकिन्छ । जसमा ग्राहकको इच्छा अनुसार लङग गाउन र सर्ट गाउन तयार पारिन्छ ।

समर स्टाइल टिप्स : 
- गर्मिको सिजन भएकाले कपडामा कटन, सिफन, लेनिन, सिल्क, नेट जस्ता मटेरियलबाट डिजाइन गरेका पहिरनमा ध्यानदिन सके शरीर तथा सौन्दर्यका लागि पनि उपयुक्त हुन्छ । 

- १६ वर्षदेखि ३० वर्षसम्मका युवतीहरुका लागि प्रिन्टेड सिफन कपडाको टप्स र आउटर लङ्ग समरमा उपयुक्त हुन्छ । 

- आउटर लङ्ग सजिलो हुनुको साथै आरामदायी हुन्छ । यो आउटर पेन्ट, लेगिन्ज र प्लाजोमा पनि लगाउन सकिन्छ । 

- समरमा धेरैलाई कस्तो पहिरन लगाउने भन्ने दोधार पनि भइरहेको हुनसक्छ । यस्तो अवस्थामा सिफन, जर्जेट र चिलोन जस्तो कपडाकोका कुर्ती, टप्स आउटर, पन्चु तयार गरि लगाउने हो भने समर त कुल हुन्छ नै सुन्दरतामा पनि निखार ल्याउछ । 

-  अधिकांश महिलाहरुका लागि कटन प्रिय हुन्छ र कटन समरमा उपयुक्त पनि मानिन्छ । यसकारण, कटनका पहरिन तयार गर्ने सोचमा हुनुहुन्छ भने कटनको टप्स, सलवार कुर्ती, क्याजुअल टप्स, बनाएर लगाउन सकिन्छ । 

- समर वेयरका लागि अन्य उपायहरु पनि अवलम्वन गर्न सकिन्छ । जस्मा आफ्नो रोजाइलाई प्राथमिकता दिएर त्यसपछि कलर छनोटमा पनि निकै सजगता अपनाउनुपर्ने हुन्छ । जस्तो लाइट पिंक, लाइट पहेंलो, लाइट लेमन, लाइट सि ग्रिन, सेतो रंगमा फ्लावर प्याटनको पहिरन प्रयोग गरि डिजाइन गरेका पहिरन लगाउने हो भने हेर्नमा सितल र लगाउन पनि आरामदायी हुन्छ । 

-डिजाइनर इश्वर श्रेष्ठ र पुरु तन्डुकारसँगको कुराकानीमा आधारित जानकारी

-वान टु वेयर 

-इन्द्रचोक न्युरोड, काठमाडौं