नेपालको दोस्रो कोरोना संक्रमित १९ वर्षीया प्रसिद्धि श्रेष्ठ निको भएर घर फर्किइन्
डिस्चार्ज हुनुअघि मास्क लगाएर खिचिएको प्रसिद्धिको तस्विर सार्वजनिक

वैशाख ६, काठमाडौं । नेपालको दोस्रो कोभिड—१९ संक्रमित प्रसिद्धि श्रेष्ठ रहेको स्वास्थ्य मन्त्रालयले खुलासा गरेको छ । 

उनी शनिवार डिस्चार्ज भएसँगै स्वास्थ्य मन्त्रालयले उनको नाम र तस्विर खुलाएको हो । 

मिडियाहरुले स्वास्थ्य मन्त्रालयले डिस्चार्ज हुनुअघि मास्क लगाएर खिचिएको उनको तस्विर समेत उपलब्ध गराएको छ । यो तस्विर तथा उनको नाम उनी र उनका परिवारको सहमतिमा सार्वजनिक गरिएको हो । 

चैत १० गते कोरोना पुष्टि भएकी १९ वर्षीया श्रेष्ठलाई टेकुस्थित शुक्रराज ट्रपिकल तथा सरुवा रोग अस्पतालको आइसोलेसनको वार्डमा २७ दिनसम्म राखेर उपचार गरिएको थयो । 

सबै खालका टेस्ट रिपोिर्टहरु पोजिटिभ आएपछि उनलाई अस्पतालले डिस्चार्ज दिएको बताइएको छ । 

श्रेष्ठ चैत ४ गते फ्रान्सबाट नेपाल आएकी थिइन् । 

अब टेकु अस्पतालमा यूएईबाट चैत ६ गते नेपाल फर्किएर चैत १२ गते कोरोना पोजिटिभ देखिएका धादिङका युवक उपचाररत छन्। 

हाल नेपालमा कोरोना संक्रमितको संख्या ३० पुगेको छ ।नेपालमा पहिलोपटक चीनबाट फर्केका ३२ वर्षीय पुरुषमा माघ १० गते कोरोना पोजिटिभ देखिएको थियो । उनी निको भइसकेका छन् । उनीपछि निको भएर घर फर्किने दोश्रो कोरोना संक्रमित श्रेष्ठ बनेकी छिन् ।