सरकारी जागिर हत्याउन पत्नीले गरिन् पतिको हत्या

चैत २५ काठमाडौं । भारतको उत्तर प्रदेश राज्यमा एक महिलाले आफ्नै श्रीमानको हत्या गरेकी छिन् । राज्यको बिजनौर जिल्लामा एक महिलाले आफ्नो पतिको हत्या गरेकी छिन् ।
हत्यापछि श्रीमतीले श्रीमानलाई हृदयघात भएको भन्दै हङ्गामा मच्चाएकी थिइन् । तर पोस्टमार्टमले ती पुरुषको घाँटी थिचेर हत्या भएको देखाएको छ ।

पोस्टमार्टमको समयमा शवको घाँटीमा खाना अड्किएको भेटिएपछि पछि सबै जना छक्क परे ।  यसको अर्थ हत्या भएको समयमा ती पुरुषले खाना खाइरहेको हुनसक्ने बताइएको छ । 
यसपछि प्रहरीले श्रीमतीसँग सोधपुछ गर्‍यो । बिजनौर प्रहरीले श्रीमानको हत्याको आरोपमा श्रीमतीलाई पक्राउ गरेको छ । श्रीमतीले कोसँग मिलेर श्रीमानको हत्याको षड्यन्त्र रचेकी थिइन् भन्नेबारे प्रहरीले अहिले अनुसन्धान गरिरहेको छ ।

यो सनसनीपूर्ण घटना बिजनौरको नजिबाबाद क्षेत्रको हो ।  हल्द्वार प्रहरी चौकी क्षेत्रको मोहल्ला आदर्श नगरमा आफ्नी श्रीमती र एक वर्षको छोरासँग भाडामा बस्ने २९ वर्षका दीपककुमार नजिबाबाद रेलवे स्टेसनको क्यारिज एन्ड वैगनमा प्राविधिक कर्मचारी थिए ।
अप्रिल ४ मा दीपकको आफ्नै घरमा शङ्कास्पद परिस्थितिमा मृत्यु भयो ।  हृदयघात भएको भन्दै श्रीमती शिवानीले पतिलाई डाक्टरकहाँ लगिन् ।

महिलाले श्रीमानको पोष्टमर्टन गर्न मानेकी थिइनन् । तर जब पोस्टमार्टमको रिपोर्ट आयो यसमा हत्या घाँटी थिचेर भएको उल्लेख गरिएको थियो । यसपछि मृतकको भाइले जाहेरी किटानी दर्ता गराए ।

भाउजूले दाजुको जागिर र पैसा हडप्न हत्या गरेको जाहेरीमा उल्लेख गरिएको थियो । श्रीमानको मृत्युपछि मृतकको आश्रितको रूपमा जागिर र पैसा पाउन कसैसँग मिलेर दीपकको हत्या गरेको आरोप शिवानीमाथि लगाइएको छ । 

दीपक कुमारले २०२४ को जनवरी १७ मा चौहदपुर नहतौरकी निवासी शिवानीसँग प्रेम विवाह गरेका थिए । दीपक आफ्नी श्रीमतीसँग नजिबाबादको आदर्श नगरमा भाडाको घरमा बस्दै आएका थिए । शुक्रबार दिउँसो शिवानीले आफ्नी सासू र देवरलाई फोनमा श्रीमान दीपकको हृदयघात भएको बताएकी थिइन् ।

अस्पताल पुर्‍याउने बित्तिकै डाक्टरले दीपकलाई मृत घोषित गरिदिए । लोमा समयसम्म केरकार गरेपछि शिवानीले पतिको हत्या गरेको स्वीकार गरेकी छिन् । 

हत्या शिवानीले एक्लै गरेको हो कि अरू कसैसँग मिलेर गरेको हो भनेर प्रहरीले पत्ता लगाउने प्रयास गरिरहेको छ । प्रहरीले विवाहेत्तर प्रेम सम्बन्ध लगायत अन्य पक्षहरूको पनि अनुसन्धान गरिरहेको छ ।