ह्वाइट हाउसकी पूर्वप्रेस सेक्रेटरी लिभिट फक्स न्युजमा जोडिँदै

असोज २० , काठमाडौं । पूर्व अमेरिकी राष्ट्रपति डोनाल्ड ट्रम्पकी प्रेस सेक्रेटरी क्यारोलिन लिभिट फक्स न्युजमा नयाँ भूमिकामा आबद्ध हुने भएकी छन्। फक्स न्युजका अनुसार उनले नोभेम्बर १ देखि नेटवर्कमा ‘अन-एयर कन्ट्रिब्युटर’का रूपमा काम गर्नेछिन्।

अन-एयर कन्ट्रिब्युटरका रूपमा लिभिटले समसामयिक राजनीतिक तथा सार्वजनिक विषयमा टिप्पणी र विश्लेषण प्रस्तुत गर्नेछिन्। फक्स न्युजकी प्रमुख कार्यकारी अधिकृत सुजेन स्कटले ह्वाइट हाउस तथा राष्ट्रपतीय निर्वाचन अभियानमा लिभिटले हासिल गरेको अनुभवलाई उनको नयाँ भूमिकाका लागि महत्वपूर्ण पक्षका रूपमा उल्लेख गरेकी छन्।

२९ वर्षीया लिभिट ह्वाइट हाउसको प्रेस सेक्रेटरी बन्ने सबैभन्दा कम उमेरकी व्यक्ति हुन्। उनले गत अगस्टको अन्त्यमा उक्त पद छाडेकी थिइन्। पदबाट बाहिरिँदा उनले आफ्ना दुई सन्तानसँग बढी समय बिताउन चाहेको बताएकी थिइन्।

लिभिटभन्दा अघि ट्रम्प प्रशासनकी प्रेस सेक्रेटरी काइली म्याकएनानी पनि फक्स न्युजमा आबद्ध भएकी थिइन्। त्यस्तै, पूर्वराष्ट्रपति जर्ज डब्ल्यू बुसकी प्रेस सेक्रेटरी डाना पेरिनो पनि फक्स न्युजमा राजनीतिक टिप्पणीकारका रूपमा कार्यरत छिन्।

लिभिटको फक्स न्युज प्रवेशसँगै अमेरिकी राजनीतिमा सक्रिय महिला सञ्चारकर्मी तथा राजनीतिक व्यक्तित्वका रूपमा उनको भूमिका थप विस्तार हुने देखिएको छ।