'दक्षिण एशियाकी सबभन्दा सानी जीवित बच्चा'

साउन १७, काठमाडौं । गत फेब्रअरी महिनामा समय नपुगी जन्मदा चेरीको आकार एउटा हत्केला जत्रो मात्र थियो । उनी २५ हप्ताकी थिइन् र उनको तौल ३७५ ग्राम मात्र थियो । भारतको हैदराबादस्थित अस्पतालमा उनलाई १२८ दिन राखियो। अहिले उनको अवस्था निकै राम्रो रहेको डाक्टरहरू बताउँछन्।

सामान्यत: २५ हप्तामा मानिसको तौल ६ सयदेखि ८ सय ग्राम हुन्छ । बच्चाहरु ४ सय ग्राम जतिका जन्मे भने साह्रै कम बाँच्छन् । त्यस्ता बच्चा सधैैँ बाँच्दैनन् । भारतमा ४ सय ग्रामभन्दा कम वजन बच्चा बाँचेको अहिलेसम्म कोही थिएन । चेरी जन्मेको पाँचौ दिन उनको फोक्सोमा रगत बग्यो । १ सय ५ दिनसम्म उनलाई भेन्टिलेटरमा राखियो । अहिले उनको अवस्था असाध्यै राम्रो छ । उनी अहिले २ दशमलव ४५ किलोकी छन् । चेरीका बाबुआमाका लागि चार पटक गर्भ गएपछि  आएको यो सुखद समाचार हो ।

चेरीकी आमा भन्छिन्, 'उनलाई पहिलोपल्ट काखमा लिएपछि रुन थालेँ । अन्तत: त्यो दिन पनि आयो जब मैले आफ्नो बच्चा काखमा दिन पाएँ ।' यो घटनाले धेरै बुबाआमाका लागि खुशीको सन्देश दिनेछ । धेरै आमाबुबामा साना बच्चा बाँच्लान् कि नबाँच्लान् भन्ने जिज्ञासा थियो ,त्यो चेरीको आगमनले सकरात्मक सन्देश दिएको छ ।