काठमाडौँ । लिंग पहिचान गरी गर्भपतन गर्ने गराउने संख्या बढ्दै गैरहेको बेला व्यवस्थापिका संसदको महिला, बालबालिका, जेष्ठ नागरिक र समाज कल्याण समितिले गर्भपतनविरुद्धको सन्देशमूलक होडिङबोर्ड राख्न सरकारलाई निर्देशन दिएको छ ।
समितिको मंगलबार बसेको बैठकले ‘लिङ्ग पहिचान गरी गर्भपतन गर्ने गराउने व्यक्ति वा संस्थालाई कानुनी कार्वाही हुनेछ’ भन्ने व्यहोरा सहितको होडिङ बोर्ड देशभरका सबै सरकारी तथा निजी स्वास्थ्य संस्थामा राख्न स्वास्थ्य मन्त्रालयलाई निर्देशन दिएको हो । समितिले यस सम्बन्धी जनचेतनामूलक कार्यक्रम सञ्चालन गर्न पनि भनेको छ ।