एचआईभी संक्रमित संख्या बढ्दै : कदमुकी महिलाको तत्काल हस्तक्षेपको माग

साउन १४ , काठमाडौ ।कदमु क्षेत्रमा एचआईभी संक्रमणका घटना बढ्दै गएपछि स्थानीय महिलाहरूले सरकारले तत्काल प्रभावकारी कदम चाल्नुपर्ने माग गरेका छन्।
स्थानीय महिला समूहहरूले पछिल्लो समय विशेषगरी युवाहरूमा संक्रमण दर बढ्दो रहेको भन्दै चिन्ता व्यक्त गरेका छन्। उनीहरूका अनुसार चेतनाको अभाव, सुरक्षित यौन व्यवहारबारे पर्याप्त जानकारी नहुनु तथा स्वास्थ्य सेवामा सहज पहुँच नहुनु संक्रमण फैलिनुको मुख्य कारण बनेको छ।
महिलाहरूले समुदायस्तरमै व्यापक जनचेतना अभियान सञ्चालन गर्न, निःशुल्क परीक्षण तथा परामर्श सेवा विस्तार गर्न र विद्यालय तहबाटै यौन तथा प्रजनन स्वास्थ्य शिक्षालाई प्राथमिकता दिनुपर्ने बताएका छन्।
त्यसैगरी, संक्रमित व्यक्तिप्रति हुने सामाजिक विभेद र कलंक ९कतष्नmब० हटाउन पनि सरकार र सरोकारवाला निकायले विशेष पहल गर्नुपर्ने उनीहरूको जोड छ।
स्वास्थ्य अधिकारीहरूले पनि संक्रमण बढ्दो क्रममा रहेको स्वीकार गर्दै नियन्त्रणका लागि समुदायसँग सहकार्य आवश्यक रहेको बताएका छन्। उनीहरूले नियमित परीक्षण, सुरक्षित व्यवहार र समयमै उपचारलाई प्रभावकारी उपायका रूपमा उल्लेख गरेका छन्।