१४ वर्षिया पाबालो विमान उडाउँछिन्, संसारभरि पाँच प्रतिशत मात्र महिला विमानचालक

असोज १४, काठमाडौं । इन्टर्न्याश्नल सोसाइटी अफ विमिन एअर्‌लाइन पाइलट्सको तथ्याङ्कले संसारभरि भएका विमानचालकमध्ये पाँच प्रतिशत मात्र महिला भएको देखाउँछ। एसटीईएम भनिने विज्ञान, प्रविधि, इन्जिनियरिङ र गणितको शिक्षा क्षेत्रमा पुरुषकै बाहुल्य छ। तर दक्षिण अफ्रिकाको जोहानस्बर्गकी एक महिलाले त्यसलाई परिवर्तन गर्न खोजिरहेकी छन्।

१४ वर्षिया पाबालो लेकोष्टा, १४ दक्षिण अफ्रिकाको सोवेटो नगरबाट  कहिल्यै कार नचलाएकी उनी अहिले विमान उडाउँदैछिन् ।  यो एकजना महिला रेफिल्वे लेडवाबाका कारण सम्भव भएको हो । यी केटीहरु जब पहिलो उडानमा जान्छन् उनीहरु शुरुमा अत्तालिएको देखिन्छ तर उनीहरुमा रोमाञ्चकता पनि देखिन थालिहाल्छ । 

रेफिल्वे दक्षिण अफ्रिकी प्रहरी सेवाका लागि पहिलो अश्वेत जातिकी महिला थिइन् । दक्षिण अफ्रिकाकी पहिलो अश्वेत हेलिकोप्टर पाइलट पनि उनै हुन् । उनले उडान सम्बन्धी ज्ञान दिने शिविर सञ्चालन गर्छिन् । विज्ञान, प्रविधि, इन्जिनियरि र गणित विषयमा रुचि भएकाहरुलाई उनले बोत्स्वाना र दक्षिण अफ्रिकाका १०० जना किशोरीलाई प्रोत्साहन गरेकी छन् । जसले गणित र विज्ञानमा उच्चतम अंक ल्याएका छन् । शिविरमा उनीहरु रोबोट र इन्जिनियरकिा काम सिक्छन् । र जीवनभरिका लागि मित्रता  पनि गाँन्स्छन् । 'यदि भविष्यमा महिलाहरुलाई यस्ता कामका लागि तयार पारेनौँ भने हामीलाई घाटा हुन्छ, ' रेफिल्वे लेडवाबा भन्छिन् ।

- बीबीसीमा प्रकाशित भिडियोको आधारमा तयार वुमन खबर