अमेरिकामा तीन दशकपछि महिलाको पेशेवर बेसबल लिग सुरु हुँदै

साउन १४ , काठमाडौ । मेरिकामा करिब ३० वर्षपछि महिलाका लागि पेशेवर बेसबल लिग सुरु हुने भएको छ। महिला पेशेवर बेसबल लिगको उद्घाटन सिजनले अमेरिकी खेलकुद इतिहासमा महत्वपूर्ण अध्याय थप्ने अपेक्षा गरिएको छ।
अन्तर्राष्ट्रिय महिला बेसबल केन्द्रकी प्रमुख क्याट विलियम्सका अनुसार महिलाहरू बेसबलको सुरुआती समयदेखि नै यस खेलमा सक्रिय रहँदै आएका छन्। “महिलाहरूले सधैं खेल खेले, अम्पायरिङ गरे र प्रशिक्षकको भूमिका पनि निभाए,” उनले बताइन्।
नयाँ लिगको पहिलो खेल शनिबार आयोजना हुँदैछ। पहिलो सिजनमा न्यूयोर्क, बोस्टन, लस एन्जलस र सान फ्रान्सिस्को गरी चार टोली सहभागी हुनेछन्। सबै खेलहरू इलिनोइसको स्प्रिङफिल्डस्थित रोबिन रोबर्ट्स रंगशालामा खेलाइनेछन्, जहाँ ५,२०० दर्शक बस्न सक्ने क्षमता छ।
लिगमा केल्सी ह्विटमोर, र आयामी सातो जस्ता चर्चित खेलाडी सहभागी हुने अपेक्षा गरिएको छ। प्रत्येक टोलीमा १५ खेलाडी रहनेछन् र खेलहरू सात इनिङका हुनेछन्।
इतिहास हेर्दा, दोस्रो विश्वयुद्धका क्रममा सन् १९४३ देखि १९५४ सम्म सञ्चालन भएको ‘अल(अमेरिकन गर्ल्स पेशेवर बेसबल लिग’ महिला बेसबलको पहिलो ठूलो व्यावसायिक लिग थियो। त्यसपछि लामो समयसम्म यस्तो स्तरको लिग देखिएको थिएन।
१९९० को दशकमा केही प्रयास भए पनि ती दीर्घकालीन हुन सकेनन्। पछिल्लो समय महिला बेसबल विश्वकप जस्ता प्रतियोगिताले भने खेलप्रतिको चासो जोगाइराखेका छन्।
विशेषज्ञहरूका अनुसार नयाँ डब्ल्यूपीबीएलले आधुनिक प्रविधि र सामाजिक सञ्जालमार्फत खेलाडीको पहिचान बढाउँदै दर्शक तान्ने रणनीति अपनाएको छ। यसले महिला खेलाडीलाई सक्षम, प्रतिभाशाली र पेशेवर खेलाडीका रूपमा प्रस्तुत गर्ने लक्ष्य लिएको छ।
विश्लेषकहरूले यो लिग केवल खेलकुदको विकास मात्र नभई महिलाको आर्थिक, सामाजिक र पेशागत अवसर विस्तारमा पनि महत्वपूर्ण कदम हुने विश्वास व्यक्त गरेका छन्।