असार २३, काठमाडौं । भारतको बढ्दो साइवर क्राइम मार्फत अपराध गर्ने जोकोहिलाई सजाय दिलाउन सफल बहादुर केटीको नामले संसारभर परिचय बनाएकी कामक्षीको नाम गिनिज वुक अफ वल्र्डमा दर्ता भएको छ ।
अनलाईन मार्फत अपराध गर्ने तथा केटीहरुलाई दुव्र्यवहार गर्छ भने यस्ता मानिसहरुबाट बच्नुपर्दछ । अन्यथा ज्यान जान सक्छ । भारतको गाजियाबादकी कामाक्षी शर्माले यस्तै खालका अपराधीहरुलाई सजाय दिने पहल गरिन् । कामक्षीले साइबर क्राइमको रोकथामप्रति हरेक व्यक्ति जागरुक हुनुपर्ने भन्दै ५० हजार पुलिसहरुलाई साइबर क्राइमको ट्रेनिङ्ग दिएर संसारकै बहादुर केटीको रुपमा आफूलाई वल्र्ड बुक रेकर्ड र एशिया बुक आफ रेकर्डमा आफ्ना नाम दर्ज गराएकी हुन् ।
जब कलेजमा अध्ययन गर्दा ताका उनले क्रिमिनल व्यक्ति र मस्ती गदै हिड्ने खालका मानिस देखिन् उनको मनमा त्यस्ता मानिसहरुको आइडी ह्याक गर्ने र सजाय दिलाउने सोच जाग्यो। खासमा उनीहरु साइवर क्राइम गरेर अरुलाई धोखा दिन्छन् भने प्रहरीले यस्ता मानिसहरुलाई समातेर सजाय दिनुपर्छ भन्ने कुरा मनमा आएपछि उनले प्रहरीको साथमा काम गर्न थालेकी हुन् ।
यसैक्रममा उनले आफ्ना साथीहरुको आईडी ह्याक गर्न थालिन र आज उनलाई साइबर क्राइमको संसारमा प्रसिद्ध बनायो । कामाक्षी भन्छिन्, ‘ जब ह्याकर ह्याक गरेर धोखाधडी गर्न सक्छ भने यस्तालाई पुलिसले किन नसमात्ने अनि सजाय किन नदिने त । यसकारण पुलिस अधिकारीहरुको साथमा काम गरेर ह्याकरहरु समात्न मैले सहयोग गर्न थालेकी हँु ।
कामक्षी सन् २०१७ देखि पुलिस अधिकारीहरुको सम्पर्कमा बसिन् । यो समयमा उनी फोन ट्रेस तथा ठेगना ट्रेस गरेर पुलिसहरुलाई सहयोग गर्न थालिन् । उनले आफ्नो पहिलो २ वर्षे मिसन यसरी नै पूरा गरिन् । उनले जम्मुकास्मीरदेखि कन्याकुमारीसम्मका पुलिसहरुलाई ह्याकरसम्म पुग्न सकिने तालिम दिइन् । ३५ दिनमा ५० हजार पुलिसहरुलाई साइवर क्राइम बारे प्रशिक्षण गराउन सफल भइन् ।
कामक्षीका अनुसार अहिलेको महामारीको समयमा अधिकांश मानिस घर बाट काम गर्नु पर्ने बाध्यता भयो । यो बेलामा झनै साइबर अपराधीहरु जुर्मुराएको उनले बताइन् । जस्तो कतिपय केटीहरुको फोटोलाई गलत प्रयोग गर्ने । साइवर क्राइम मार्फत लाखौं रुपैयाँ क्षति भएको तथ्यांकमा उल्लेख गरिएको छ । यस्ता समस्यालाई चिर्नका लागि कामक्षीको ठूलो योगदान छ ।
कामक्षी यो काम बाहेक अरु धेरै खोज अनुसन्धनात्मक एजेन्सीसँग जोडिएर काम गछ्र्रिन् । उनी आर्मीहरुको साथमा पनि फ्रिलाइन्सरको रुपमा कार्यरत छिन् । यतिबेला भारतमा कुनै साइबर क्राइम अपराधले समस्यामा परेका जोकोहिले पनि उनलाई तुरुन्त सम्पर्क गर्ने गर्छन् । र उनी पनि अपराधीसम्म पुग्नका लागि आफ्नो ल्याकतले भ्याएसम्म सबैलाई सहयोग गर्ने गर्छिन् । आज उनको यहि सहासले धेरै केटीहरुले न्याय पाएका छन् । उनको यो सहासकै कारण आज उनी भारतमा सहासि महिलाको रुपमा परिचित छिन् । साथै अहिले उनको परिचय बहादुर केटीको नामले संसारभर नै छाएको छ ।