रेखा गुप्ताले लिइन् दिल्लीको मुख्यमन्त्रीको शपथ

फागुन ८, काठमाडौं । शालीमार बागबाट भाजपा विधायक रेखा गुप्ता दिल्लीको नवौं मुख्यमन्त्री बनेकी छिन्। उनले रामलीला मैदानमा मुख्यमन्त्रीको शपथ लिएकी छिन्। कार्यक्रममा भाजपा शासित राज्यका मुख्यमन्त्री र उपमुख्यमन्त्रीहरू पनि उपस्थित छन्।

रेखा गुप्तासँगै ६ जना मन्त्रीले पनि शपथ लिँदै छन्। यसमा प्रवेश वर्मा, आशिष सूद, मनजिंदर सिंह सिरसा, रवीन्द्र इन्द्रराज सिंह, कपिल मिश्रा र पंकज कुमार सिंह समावेश छन् जसले अरविन्द केजरीवाललाई पराजित गरे।

शपथ ग्रहण गर्नुअघि रेखा गुप्ताले बिहीबार बिहान मिडियालाई भनिन्, ुयो एउटा ठूलो जिम्मेवारी हो।ु ममाथि विश्वास देखाउनुभएकोमा म प्रधानमन्त्री मोदी र पार्टी हाईकमान्डलाई धन्यवाद दिन्छु। मैले कहिल्यै सोचेको थिइनँ कि म दिल्लीको मुख्यमन्त्री बन्छु। म सिसाको दरबारमा बस्ने छैन।

दिल्लीका मुख्यमन्त्रीको आधिकारिक निवासलाई भाजपाले शीशमहल नाम दिएको थियो। अरविन्द केजरीवालले यसलाई निर्माण गराएका थिए। केजरीवालले नियमहरूलाई बेवास्ता गरेर करोडौं रुपैयाँ खर्च गरेर यो भवन निर्माण गरेको भाजपाको आरोप छ। भाजपाले यसलाई चुनावी मुद्दा पनि बनाएको थियो।