मोटो रेसिङमा ३० जना महिला राइडरले ११० सिसीको हेन्डा नाभी कुँदाउने

काठमाडौं। अटोमोबाइल्स एसोसिएसन (नासा) अन्तर्गतको नेपाल मोटरसाइकल फेडरेसन क्लबले आगामी मार्च १८ अर्थात चैत ५ गते शनिबार रेसनारी नेसनल च्याम्पियनसिप २०१७ मोटो रेसिङ हुने मंगलबार आयोजित एक पत्रकार सम्मेलन मार्फत जानकारी दिएको छ । ललितपुरको सातदोबाटोस्थित स्विमिङ पुल कम्प्लेक्समा आयोजना हुने उक्त रेसिङ च्याम्पियनसिपमा करिब ३० जना महिला राइडरले ११० सिसीको हेन्डा नाभी कुँदाउने छन् । 

कार्यक्रममा मोटरसाइकल रेसिङका अलावा जिमखाना प्रिक्स, स्लो राइड कम्पिटिसन, पुस योर बाइक कम्पिटिसन आदि प्रतियोगिता पनि हुने भएको छ । सो प्रतियोगितामा विजयी खेलाडीहरुलाई क्रमश: रु. १० हजार, ७ हजार र ५ हजार नगद, शिल्ड र प्रमाणपत्र प्रदान गरिने छ । मोटरसाइकल रेसिङका प्रथम विजेतालाई आगामी वर्ष एसियाली स्तरको रेसिङमा भाग लिन थाइल्यान्ड/मलेसिया पठाउने व्यवस्था गरिने  मंगलबार जारी विज्ञप्तीमा उल्लेख गरिएको छ।

नासा अन्तर्गतको नेपाल मोटरसाइकल फेडरेसन क्लबले यो प्रतियोगिता सञ्चालन पाँचौ पर्वतीय खेलकुद महोत्सव अन्तर्गत यस पटक प्रतियोगिता सञ्चालन हुन लागेको हो ।