असार २२, काठमाडौं । इन्डोनेशियाको पपुआमाका पुरुषहरुले जंगलमा प्रवेश गर्न पाउँदैनन् । सुन्दा अच्चम लाग्नक्छि तर यो सत्य हो । जंगली जनावारसँग प्रतिकार गर्न पुरुषहरु आटिला हुन्छन् भनिन्छ तर इन्डोनेशियाको जंगल प्रवेश गर्न पुरुषहरुलाई रोक लगाइएको कुरा यथार्थ हो । यद्यपि, महिलाहरु भने निर्वाध रुपमा जंगलमा जाने आउने गर्न सक्छन् । जंगलमा सिपि पाइने भएकाले उक्त सिपि संकलाका लागि जंगलमा महिलाहरुलाई मात्र प्रवेश दिएको छ ।
बीबीसीका अनुसार खासमा सधै महिलाले मात्रै प्रवेश पाउने जङ्गल हो । बर्षौदेखिको नियम नै यस्तो हो । अर्को अनौठो कुरा त के छ भने महिलाहरुले मात्र प्रवेश गर्न पाउने उक्त जंगलमा प्रवेशका लागि महिलाहरु नाङ्गै हुनुपर्छ । कुनै लुगा लगाउन पाउैनन् । साथै पुरुषहरुले महिलाहरुमा नजरमात्रै लगाए भने भने पनि सजय पाउँछन् । प्रतिबन्ध र जरिबाना मात्र हैन उनीहरुलाई समाजले अदालत पुप्याउन सक्ने नियम छ ।
यसैगरी अनधिकृत प्रवेश गर्नेलाई ६९ अमेरिकी डलरसम्म जरिवाना हुन्छ । समुन्द्रको छाल कम भएको बेला सबै महिलाहरु एकसाथ उक्त जंगलमा जान्छन् । आफ्ना साथिहरुलाई पनि बोलाएर डुङ्गा चढेर त्यहाँसम्म पुग्छन् । जब उनीहरु हामी जङ्गलमा हुन्छौँ तब हामी स्वतन्त्र हुन्छौँ । किनभने त्यहा कोही पुरुष हुदैँनन् । एक महिला भन्छिन्, ‘हामी महिला मात्रै हुन्छौँ । त्यसैले हामी स्वतन्त्र भएर आफ्नो व्यथा सुनाउँछौँ । हामी पानिमा शरीर डुबाएर माटोमा सीपी खोज्छौँ ।’
महिलाहरुका लागि यो पवित्र स्थान अहिले जोखिममा परेको छ । यो जङ्गलको आकार ५० वर्ष अघि भन्दा आधा भइसकेको छ । यो समुद्र पहिलेको भन्दा निकै फरक भइसकेको छ । हाम्रो समुद्र सुन्दर र स्वच्छ थियो तर अहिले यो प्रदुषित छ । फोहोरका कारणले । सहर र बजारको फोहोर वर्षामा बगेर यहाँ आउँछ । यो देखेर आजभोली महिलाहरु हाम्रो समुद्रलाई के भयो भन्दै निराश हुन थालेका छन् ।
महिलाहरुले सङ्कलन गरेको सीपी नजिकैको बजारमा बेच्छन् । त्यहाँका सबैका लागि महिलाको जङ्गल धेरै महत्वपूर्ण छ।