चैत २, काठमाडौं । फ्रान्सका उपमन्त्री बु्रन पायरसन विश्वभर फैलिएको कोरोना भाइरसबाट संक्रमित भएको अन्तर्राष्ट्रिय संचारमाध्यमले जनाएका छन् । फ्रान्समा कोभिड १९ भाइरसको चपेटामा पर्ने पायरसन दोस्रो महिला मन्त्री हुन् । हाल उनलाई भाइरसबाट खतरामक्त नहुन्जेलसम्मका लागि करेनटाइनमा राखिएको छ । उनको अवस्था सामान्य भएको र उनलाई डाक्टरको निगरानिमा राखिएको जनाइएको छ ।
यो भन्दा अगाडी फ्रान्सकै संस्कृति मन्त्री फ्रेक रिस्टरको पनि कोरोना पोजिटिभ पाइएको थियो । पायरसन संक्रमित भएसंगै फ्रान्समा कोरोनाबाट संक्रमित हुने महिला मन्त्रीको संख्या दुइ पुगेको छ । यस्तो संक्रमणका बेला पनि फ्रान्समा भने विहिवारदेखि लोकल चुनाव शुरु भएको छ ।
यस्तै स्पेनका प्रधानमन्त्री पेडो साचेजकी श्रीमतीको पनि कोरोन भाइरसको रिपोर्ट पोजिटिभ देखिएको छ । फ्रान्सको उच्च तहमा रहेका सदस्यहरुलाई कोरोना भाइरस भएको रिपोर्ट पोजिटिभ देखिएपछि उनीहरुलाई करेनटाइनमा राखेर उपचार गरिँदै छ। हालसम्म कोरोना भाइरस विश्वका १५३ देशमा फैलिसकेको विश्व स्वास्थ्य संगठनले तथ्यांक सार्वजनिक गरिएको छ ।