असार २९, काठमाडौं । अमेरिको प्रतिष्ठित हिज्जे प्रतियोगितामा पहिलो अफ्रिकी अमेरीकन १४ वर्षिया जैला एवाट प्रथम भएकी छिन् । उनले ३७ लाख रुपैयाँ नगद पुरस्कार प्राप्त गरेकी छिन्। अमेरिकाको ९३ वर्षको इतिहासमा प्रतियोगिता जित्ने उनी दोस्रो अश्वेत महिला हुन् । यो भन्दा पहिले १९९३ मा जमैकाकी ऐनी मैक्सले यो शीर्षक जित्न सफल भएकी थिइन् । प्रतियोगितामा प्रभुत्व जमाउन सफल भारतीय अमेरिकन दोस्रो र तेस्रो प्रतियोगीको रुपमा उपाधी जित्न सफल भएका छन् ।
सेनफ्रान्सिमा बसोबास गर्ने १२ वर्षिया चैत्र थुम्माला र न्यूयोर्ककी १३ वर्षिया भावना मदिनी क्रमश .दोस्रो र तेस्रो स्थान हासिल गरेका छन् । उनीहरुलाई सफलतको शुभकामना प्रदान गर्नका लागि अमेरिकाकी प्रथम महिला जिल बाइडेनले सबै सहभागी ११ प्रतियोगीहरुसँग भेट गरिन् । उनले ट्वीटरमार्फ पनि बधाई दिएकी छिन् । २० वर्षदेखि अमेरिकाको उक्त हिज्जे प्रतियोगितामा अमेरिका र भारतले प्रभुत्व जमाइरहेको तथ्यांक छ ।
जैला अहिले आफ्नो गृहनगर हार्वेमा ८ कक्षाको अध्ययन पूरा गरेर बसेकी छिन् । उनले मुराया शब्द को स्पेलिंग बनाएर प्रथम भएकी हुन् । मुराय शब्दको अर्थले भने एशिया र अस्ट्रेलिया प्रजातिका रुख तथा फुलहरुलाई जनाउँछ । जैला बास्केटबल खेलाडी पनि हुन् । उनी डब्ल्यूएनबीए खेल्न चाहाछिन् । उनले आफ्नो नाम एकै पटक धेरै ड्रिब्लिङ्ग गर्र्ने सानो उमेरकी पहिलो व्यक्तिको रुपमा गिनीज वल्ड बुकमा समेत नाम लेखाएकी छिन् ।