राजनीतिप्रति सकारात्मक प्रवृत्ति किनारामा हुँदा नकारात्मक प्रवृत्ति हाबी छः सञ्चारमन्त्री शर्मा

भदौ ७,काठमाडौं । सञ्चार तथा सूचना प्रविधिमन्त्री रेखा शर्माले राजनीतिप्रति नकारात्मक प्रवृत्ति हाबी भएको बताएकी छिन्।

आईतवार सिंहदरबारमा भएको हेम–सुनिल जोखिमपूर्ण टेलिभिजन पत्रकारिता पुरस्कार वितरण समारोहलाई सम्बोधन गर्दै उनले यस्तो बताएकी हुन्। उनले सकारात्मक प्रवृत्ति किनारामा हुँदा नकारात्मकता हाबी भएको जानकारी दिइन्। 

उनले पछिल्लो समय सूचना प्रविधिमा आएको विकासबाट सही सदुपयोग हुन नसक्दा आएका नकारात्मकताले झनै चुनौति थपेको बताइन्। उनले सञ्चार क्षेत्रलाई थप व्यवस्थित बनाउन जरुरी रहेको बताइन्। 

उनले भनिन्, ‘ पत्रकारिता क्षेत्रले पनि उत्तिकै जोखिम मोलेको छ, राजनीतिक क्षेत्रले पनि त्यत्तिकै जोखिम मोलेको छ। अहिले कसैमा पनि भावना सकारात्मक छैन। राजनीतिक व्यक्तिप्रति किन सकारात्मक छैन धारणा भन्दा यहाँ नकारात्मक प्रवृत्ति हाबी छ। सकारात्मक प्रवृत्ति किनारामा छन्। त्यसकारण सतहमा जे छ, त्यही कुरा हाबी हुँदा त्यसको अपजस सबैले भोग्नुपर्छ। पत्रकारिता क्षेत्रमा पनि कैयन कुराहरु छन्, मिडियाको च्यालेन्ज छ। पत्रकारिता टिकाउने कुरा चुनौतिपूर्ण छ। साथै पछिल्लो समय सूचना प्रविधिमा आएको विकासले यसको सदुपयोग, र यसको सदुपयोग हुन नसक्दा देखिएका समस्या छन्। यस क्षेत्रसँग संवद्ध, नियम, कानून, ऐन यी सबै कुरालाई व्यवस्थ्ति बनाउन जरुरी छ।’