असार १०, काठमाडौं ।जनता समाजवादी पार्टी नेपालकी सांसद रञ्जुकुमारी झाले राष्ट्रियसभा अध्यक्षको जिम्मेवारी उपराष्ट्रपतिलाई दिनुपर्ने बताएकी छन् ।
आइतबार प्रतिनिधिसभा बैठकमा बोल्दै सांसद झाले उपराष्ट्रपतिको पदीय जिम्मेवारी बढाएर राष्ट्रियसभाको अध्यक्षलाई दिनुपर्ने बताएकी हुन् ।
त्यसको लागि संविधान संशोधन गर्न उनले माग गरिन् । उनले संवैधानिक पद तथा राज्यका उच्च पदस्थ व्यक्तिहरुले लिने गरेको सेवा सुविधाको पनि कटौती गर्नुपर्ने बताइन् ।
सांसद झाले सरकारले समाजमा रहेका असन्तुष्टिहरूलाई न्यूनीकरण गर्नेगरी काम गर्नुपर्ने बताइन् । उनले बजेट विनियोजनमा सुशासनको अभाव देखेको बताइन् ।