जेठ २४, काठमाडौं । प्रधानमन्त्री पुष्पकमल दाहाल ‘प्रचण्ड’लाई नेकपा एमाले सांसद एवम् पूर्व परराष्ट्रमन्त्री विमला राई पौडेलले नेपाल भारत प्रबुद्ध समूह (इपीजी)को प्रतिवेदनको कुरा गर्दा बिग्रने के हो भन्दै प्रश्न गरेकी छिन् । राष्ट्रियसभा बैठकमा बोल्दै पौडेलले इपीजीको प्रतिवेदनको कुरा गर्दा बित्तिकै कुरा बिग्रने कस्तो अचम्म हो भन्दै उनले प्रश्न गरिन् ।
सीमा विवाद सुझाउन जम्बो टोली भारत जानुपर्ने अवस्था नरहेको विमलाले बताइन् । ‘इपिजीको प्रतिवेदनले माहौल बिग्रन्छ भनेर भन्नुभयो । कुरा गर्दा माहौल बिग्रन्छ भने अचम्मको पोको के हो ? हामी जनता र सांसदले कहिले बुझ्न पाउने हो ? ’ उनले भनिन् ।
‘प्रधानमन्त्रीको भारत भ्रमणमा अफिसियल र कूटनीतिक राहदानी लिएर गएको औपचारिक जम्बो टोलीमा तपाईको आधिकारिक फोटोग्राफर थिए कि थिएनन् रु’ प्रश्न गर्दै विमलाले भनिन्, ‘दौरा सुरुवाल लगाएर प्रधानमन्त्रीको अगाडि मोबाइले फोटो खिच्न मिल्छ कि मिल्दैन रु यस्तो कूटनीतिक मर्यादा कहिले सिकाउने हो ? हामीले कहिले सिक्ने हो ?
रातोपाटी