पुँजीबजारलाई सरकारको प्राथमिकतामा राखेर चर्को ब्याजदर पनि नियन्त्रण गर्नुपर्छ: मत्री शर्मा

चैत  २४, काठमाण्डौं । संयुक्त सरकारको प्राथमिकता र साझा न्यूनतम कार्यक्रममा पुँजीबजारलाई सम्बोधन गरिएको छ।

सिंहदरबारमा एक कार्यक्रम गरी सूचना तथा सञ्चारमन्त्री एवं सरकारकी प्रवक्ता रेखा शर्माले सरकारको प्राथमिकता र साझा न्यूनतम कार्यक्रम सार्वजनिक गरेकी हुन्। जसमा पुँजीबजारमा आएको गिरावटलगायत समस्यालाई समाधान गर्ने कार्यलाई सरकारले प्राथमिकतामा राखेको हो।

सरकारले अर्थतन्त्रमा देखापरेको मन्दी, औद्योगिक उत्पादन तथा व्यावसायिक क्षेत्रमा आएको ह्रास , लगानी जोखिम, वित्तीय क्षेत्रमा तरलता संकुचन, उच्च ब्याजदर, बढ्दो व्यापार घाटा, न्यून पुँजीगत खर्च, घट्दो राजस्व संकलन तथा पुँजीबजारमा आएको गिरावटलगायतका समस्यालाई आर्थिक, वित्तीय र मौद्रिक नीतिको सामञ्जस्यपूर्ण ढंगले कार्यान्वयन गरी अर्थतन्त्रलाई तत्काल गतिशील बनाउने कार्यलाई प्राथमिकतामा राखिएको छ।

बजेट प्रणालीलाई नीतिगत, संरचनागत तथा कार्यगत रुपमा पुनर्संरचना गर्ने कार्यलाई सरकारले प्राथमिकतामा राखेको छ।

सरकारले चर्को ब्याज नियन्त्रण गर्ने तथा स्प्रेड दर घटाउने कार्यलाई पनि प्राथमिकतामा राखेको छ।