थाइल्याण्डकी पूर्व प्रधानमन्त्रीले एकाएक देश छोडिन्

भदौ १०, (बीबीसी ) । थाइल्याण्डकी पूर्व प्रधानमन्त्री यिङ्लक सिनावात्रा आफूमाथि लागेको भ्रष्टाचार आरोपको निर्णय आउनुपूर्व एकाएक देश छोडेकी छिन् ।

उनको पार्टी निकट स्रोतका अनुुसार उनले देश छोड्ने निर्णय एकाएक लिएकी हुन् । लापरवाहीको मुद्दामा सर्वोच्च अदालतमा उपस्थित हुनुभन्दा अघि नै उनी विदेश उडेकी हुन् ।

उनका वकिलले भने उनी बिरामी भएकाले अदालतमा उपस्थित हुन नसकेको बताए ।

अदालतमा उपस्थित हुन नसक्दा उनीविरुद्ध पक्राउ पुर्जी जारी गर्दै उनको जमानत पनि खोसिएको छ । न्यायाधिसले पनि निर्णय २७ सेप्टेम्बरसम्म स्थगित गरेका छन् ।

थाइल्याण्डमा अर्बौंको घोटाला प्रकरणमा आफ्नो संलग्नता नभएको उनले बताउँदै आएकी छिन् । यसमा दोषी भेटिए उनलाई १० वर्षको जेल सजायँका साथै राजनीतिबाट स्थायी प्रतिबन्ध लाग्ने बताइएको छ ।

मिस यिङ्लक प्यू थाई पार्टीले रोयटर्सलाई अनुसार उनले थाइल्याण्ड पक्कै छोडेको तर कहाँ छिन् भन्ने थाहा नभएको जानकारी दिए ।

थाइल्याण्डको सैनिक सरकारको प्रतिनिधित्व गर्ने प्रधानमन्त्री प्रयुथ चान–ओचाले देशको सम्पूर्ण रुटमाथि कडा निगरानी भइरहेको बताए ।

‘मलाई भर्खरै थाहा भयो कि उनी अदालतमा उपस्थित भइनन्,’ उनले पत्रकारलाई भनिन् । ‘मैले बोर्डर चेकपोइन्टमा कडा निगरानी राख्न निर्देशन दिएको छु ।’