भदौ १० , काठमाडौं । सञ्चार तथा सूचना प्रविधिमन्त्रि रेखा शर्मा सार्वजनिक सेवा प्रसारणमा विधेयकमा प्ररामर्शले सार्वजनिक सञ्चार माध्यमलाइृ जनताप्रति जवाफदेहि र उत्तरदायी तुल्याउन सार्वजनिक सेवा प्रसारणसम्बन्धी अघि बढाएको बताउनुभएको छ।
प्रतिनिधि सभा अन्तर्गतको शिक्षा, स्वास्थ्य तथा प्रविधि समितिमा सार्वजनिक सेवा प्रसारणसम्बन्धी कानुनलाई संशोधन र एकिकरण गर्न बनेको विधेयकमाथि सुरु भएको छलफमा उहाँले सार्वजनिक सञ्चार माध्यम सरकारको गुणगान गर्ने संस्थाका रुपमा मात्र सीमित हुननहुने धारणा राख्नुभयो।
उहाँले भन्नुभयो,सञ्चार माध्यम भजन मण्डली होइन । जनताप्रति उत्तरदायी बनून भन्ने सरकारको ध्येय हो । विधेयक तजुमाको समयभन्दा अहिले परिस्थिति धेरै परिबर्तन भएको छ । त्यही अनुरुप परिस्थितिधेरै परिवर्तन भएको छ । त्यही अनुरुप परिमार्जन गर्दै लैजानु पर्छ । सरकारले रेडियो नेपाल र नेपाल टेलिभिजनलाई राष्ट्रिय सार्वजनिक सेवा प्रसारणका रुपान्तरण गरी लाकतान्त्रिक मूल्य,मान्यता र स्वतन्त्र पत्रकारिताको मर्मलाई आत्मसाथ गर्दै स्वच्छ ,निष्पक्ष र जनताप्रति उत्तरदायी रुपमा सञ्चालनको उद्देश्य राखी कानुन निर्माण अघि बढाएको हो । मन्त्रालयका सचिव कृष्णबहादुर राउतले रेडियो नेपाल र नेपाल टेलिभिजनलाई एकै ठाँउमा राखेर सार्वजनिक सेवा प्रसारणको अवधारणा अनुसार लामो छलफल र बहसपछि सदनमा प्रवेश पाएको बताउनुभयो ।
उहाँले भन्नुभयो,संविधानले प्रत्याभूत गरेको सूचनाको हक तथा विचार र सार्वजनिक प्रसारणसम्बन्धी नयाँ कानुन निमाणका लागि मस्यौदा गरिएको हो । दुवै संस्थालाई सार्वजनिक सेवा प्रसारणका रुपमा रुपान्तरण गरी सुदुढ ,सबल र सशक्त्त बनाएर नागरिकलाई सुुसूचित गराउन सकिने सरकारको दृष्टिकोण रही आएको छ ।