सांसद कठायतको प्रश्न: के डाक्टरको दरबन्दी बढाउनु फजुल खर्च हो?

जेठ ३, काठमाडौं । सांसद बिनिता कठायतले डाक्टरको दरबन्दी बढाउनु फजुल भएको हो ? भन्दै संसदमा प्रश्न गरेकी छिन्।  प्रतिनिधि सभाको आजको बैठकमा बोल्दै उनले डाक्टहरुको दरबन्दी बढाउनु फजुल खर्च हो? भन्दै अर्थमन्त्रीलाई प्रश्न गरेकी हुन्। 

उनले भनिन्, ‘चालु खर्चको नराम्रो भनेर भाष्य निर्माण गरिएको छ। डाक्टरहरुको दरबन्दी पनि त्यसैमा पर्छ। के यो नचाहिने फजुल खर्च हो ? यसको जवाफ दिनुपर्ने हुन्छ अर्थमन्त्रीज्यूले।’
जुम्लामा डाक्टर तथा स्वास्थ्यकर्मीको आवश्यक दरबन्दी नबढाउँदा डायलाइसिसको लागि बिरामीले आठ महिना कुर्नु परेको उनले बताइन्। स्वास्थ्यमा सर्वसुलभ पहुँच बढाउन डाक्टर तथा स्वास्थ्यकर्मीको दरबन्दी बढाउनुपर्नेमा उनको जोड छ।