बैशाख ४, काठामाडौं । राष्ट्रियसभा सदस्य विमला पौडेल राईले राष्ट्रिय गौरवका आयोजना नेपालको आवश्यकताले बनेका छन् या दाताको आवश्यकताले भन्दै प्रश्न गरेकी छन् । सोमबारको राष्ट्रियसभा बैठकमा राष्ट्रिय सरोकार तथा समन्वय समितिको आर्थिक वर्ष २०७५र०७६, ०६७र०७७ र ०७७र०७८ को वार्षिक प्रतिवेदन कार्यान्वयनको अनुगमन एवम् मूल्यांकन प्रतिवेदन २०७९ माथिको छलफलमा भाग लिँदै सांसद राईले राष्ट्रिय गौरवका आयोजना पुरा नहुनुमा मुख्यत दुई कारण रहेको बताइन् ।
‘राष्ट्रिय गौरवाका परियोजना किन पुरा हुँदैनन् रु परियोजना नेपालको आवश्यकताले बनेका छन् कि दाताको आवश्यकताले रु’ प्रश्न गर्दै सांसद राईले भनिन्, ‘नेपालकै आवश्यकताले बनेका परियोजना पनि कार्यान्वयन गर्न ठेकेदारहरु छान्छौ । ती ठेकेदारहरु कोही घरबेटी पर्छन्, कोही ससुरा पर्छन् कोही ज्वाईँ पर्छन् ।’ उनले एउटा ठेकेदारले १० वटा ठेक्का लिने र सबैभन्दा कमजोर बिड हुने भएपनि उसलाई कानुनले छुट दिने गरेको बताइन् ।
उनले यस्तो प्रवृतिलाई सुधार गर्न जरुरी रहेको भन्दै दुईवटा कुरामा विशेष ध्यान दिनुपर्ने सुझाव राखिन् । पहिलो पाटो राष्ट्रिय गौरवका आयोजना भन्नुभन्दा अगाडि त्यो कार्यान्वयन गर्न आवश्यक जग्गा, आवश्यक पैसा, ठेक्कापट्टा र सबै फिजिबिलटी स्टडी गरेको छ छैन रु त्यो नगरी राष्ट्रिय गौरवका आयोजना भनेर पैसा छुट्टयाउन बन्द गर्नुपर्छ’ राईले भनिन् ।
उनले राष्ट्रिय गौरवका आयोजना भनेर पैसा छुट्टयाउने तर पछि जग्गा नै नपाउने र जग्गाका लागि दश वर्ष भौतारिनुपर्ने समस्या रहेको तथा आउट सोर्स गर्दा अनिवार्य रुपमा ठेकेदार र कन्ट्याक्टरको ट्रयाक रेकर्ड हेरिनुपर्ने बताइन् ।