कार्तिक १६, काठमाडौं । नेपाली कांग्रेसकी सांसद सरस्वती बजिमयले धनुषाकी २२ वर्षीय आरती शाहको दाइजोको निहुँमा ज्यान गएको, तर प्रहरीले नदेखेको भन्दै प्रश्न उठाएकी छिन् । उनले पीडितहरूप्रति प्रहरीले गरेको दुव्यर्वहारको भर्त्सना गर्दै मृतक शाहलाई न्याय दिन सरकारसँग माग गरिन् ।
प्रतिनिधिसभाको बिहीबारको बैठकमा बोल्दै सांसद बजिमयले सरकारले संविधानको धारा ३८ मा रहेको महिलाको हक र अन्तर्रार्ष्ट्रिय सभा सम्मेलनमा गरेको हस्ताक्षरको कार्यान्वयन गर्ने दायित्वबाट विमुख हुन नमिल्ने बताइन् ।सरकारले आफ्नो दायित्व नभुलोस् ।
घर पक्षले झुण्डिएर आत्महत्या गरेको भनेपनि आरतीको शरीरमा देखिएको निलडामले उनको हत्या भएको खुलासा भयो । माइतीपक्षले उनको हत्यामा दोषीलाई अनुसन्धान गरी कारबाहीको दायरामा ल्याउन माग गर्दा प्रहरीले जाहेरीसमेत नलिएको गुनासो आएको छ । माइती पक्षका आफन्तहरूले अहिले पनि महिनौँदेखि काठमाडौंको माइतीघरमा धर्ना बसिरहेका छन्,’ सांसद बजिमयले भनिन्, ‘तर अहिले पनि उनीहरूमाथि प्रहरीबाट दुव्यर्वहार र ज्यान मार्ने धम्कीसम्मको कुराहरू रोकिएको छैन । '