महिला औद्यौगिक पार्कको अवधारणा अघि बढिसकेको छ : डा. महत

साउन २६, काठमाडौं ।अर्थमन्त्री डा। प्रकाशशरण महतले महिला औद्योगिक पार्क अवधारणा अगाडि बढेको बताएका छन् । शुक्रबार दक्षिण एसियाली महिला मञ्चले आयोजना गरेको कार्यक्रमलाई सम्बोधन गर्दै मन्त्री डा. महतले महिला औद्यौगिक पार्कको अवधारणा महत्वपूर्णका साथ अघि बढिसकेको जानकारी दिए।

 ‘महिला औद्योगिक पार्क अवधारणा अगाडि बढिसक्यो,अब कसैले रोक्न सक्दैन । सुन्दा यो सामान्यजस्तो लाग्छ। पछि मान्छेले थाहा पाउँछन्। यो दुरगामी अवधारणा हो । महत्वपूर्ण सुरुवात भएको छ,यसलाई कार्यान्वयनमा लैजानुपर्छ,उनले भने' देशैभरि यसको सञ्जाल विस्तार गर्नुपर्छ ।’

महतले भने, ‘अहिले कृषि व्यवसायमा धेरै ठूलो सम्भावना देखिएको छ । डिटिजल संसारले एउटा अवसर पनि दिएको छ । बजारिकरण सहजै रुपमा गर्न सकिन्छ । महिला उद्यमीहरुले उत्पादन गरेको वस्तुको प्रविधिलाई भरपूर उपयोग गरेर बजारीकरण गर्नुपर्छ ।’

देशैभरि लघु उद्यम व्यवसायमा महिलाको सहभागिता बढ्दै गएको भन्दै अर्थमन्त्री महतले महिलाहरूले नै  घर–घरमा उत्पादन भएका विभिन्न सामाग्री व्यवसायीले निर्यात गरिरहेको जानकारी दिए।