जर्जियामा महिलाको औसत कमाइ पुरुषभन्दा ३३.५ प्रतिशत कम

असोज १६ काठमाडौं । जर्जियाको व्यवसाय क्षेत्रमा महिला र पुरुषबीचको पारिश्रमिक अन्तर ३३।५ प्रतिशत रहेको तथ्यांक सार्वजनिक भएको छ। जर्जियाली तथ्यांकसम्बन्धी विवरण उद्धृत गर्दै ट्रेन्ड न्युज एजेन्सीले यस्तो जानकारी दिएको हो।

जर्जियाको राष्ट्रिय तथ्यांक कार्यालयका अनुसार सन् २०२६ को दोस्रो त्रैमासिकमा देशभर महिला कर्मचारीको औसत मासिक पारिश्रमिक १ हजार ९२७ जर्जियन लारी थियो। सोही अवधिमा पुरुष कर्मचारीको औसत मासिक पारिश्रमिक २ हजार ८५६.४ लारी पुगेको थियो।

यस अवधिमा महिलाको औसत पारिश्रमिक अघिल्लो वर्षको सोही अवधिको तुलनामा ८.९ प्रतिशतले बढेको थियो भने पुरुषको पारिश्रमिक ७.६ प्रतिशतले बढेको थियो। तर सबै आर्थिक क्षेत्रमा पुरुषको औसत मासिक कमाइ महिलाको भन्दा बढी रहेको न्भयक्तबत ले जनाएको छ।

व्यवसाय क्षेत्रमा भने दोस्रो त्रैमासिकमा कर्मचारीको औसत मासिक पारिश्रमिक २ हजार ४७१.५ लारी पुगेको थियो, जुन अघिल्लो वर्षको सोही अवधिको तुलनामा ६.६ प्रतिशतले बढी हो।
तथ्यांकले महिलाको औसत पारिश्रमिक बढिरहेको भए पनि पुरुष र महिलाबीचको आम्दानी अन्तर कायम रहेको देखाएको छ। जर्जियाको राष्ट्रिय तथ्यांक कार्यालयले आर्थिक क्षेत्र र लिंगअनुसारको पारिश्रमिकसम्बन्धी तथ्यांक नियमित रूपमा सार्वजनिक गर्दै आएको छ।