भोलिदेखि उपत्यकाका तीन जिल्लामा कुन-कुन सेवा संचालन गर्न पाइन्छ ? (सूचिसहित)

भदौ १७, काठमाडौं । उपत्यकाका तीन जिल्लाका प्रमुख जिल्ला अधिकारीहरुले आज मध्यरातिसम्म कायम निषेधाज्ञालाई लम्ब्याएर भदौ २४ गते मध्यरातिसम्म पुर्याउने निर्णय गरेको छ । यो निर्णयसँगै जारी निषेधाज्ञालाई केही खुकुलो बनाउने निर्णय समेत भएको छ । 

जिल्ला प्रशासन कार्यालय ललितपुरका एक अधिकारीका अनुसार भोलिदेखि निषेधाज्ञामा केही अत्यावश्यक वस्तु तथा सेवालाई खुकुलो पारिनेछ । 

आजसम्म तरकारी, फलफूल, माछामासु, दूध तथा दूधजन्य पदार्थ खाद्यान्न लगायतका सामान पाइने पसल बिहान ९ बजेसम्म मात्र खोल्न दिइन्थ्यो । भोलिदेखि भने बिहान ११ बजेसम्म खोल्न दिइनेछ । 

उपत्यकाभित्र विकास निर्माणसँग सम्बन्धित पसल तथा व्यवसाय साथै सोको ढुवानीका लागि प्रयोग हुने सवारी साधन दिउँसो २ बजेदेखि बेलुका ९ बजेसम्म संचालन गर्न सकिनेछ । 

यस्तै, टेकवे सेवा समेत संचालन गर्न सकिने, तर त्यस्तो सेवा दिनेको पीसीआर रिपोर्ट नेगेटिभ हुनुपर्नेछ । 

यस्तै, होम डेलिभरीका अन्य सेवाहरु समेत सुचारु हुने, तर डेलिभरी गर्ने व्यक्तिको पीसीआर रिपोर्ट पनि नेगेटिभ हुनुपर्नेछ। 

जिल्ला प्रशासन कार्यालय काठमाण्डौले जारी गरेको आदेशअनुसार भोलिदेखि संचालन गर्न पाइने सेवाहरुको सूचि यस्तो छः