भूकम्प प्रभावित ठाउँमा दक्ष जनशक्ति पठाएर उद्धार, क्षतिको तथ्यांक संकलन गर्न आग्रह: सोबिता गौतमले

कार्तिक १९ , काठमाडौं । भूकम्प प्रभावित क्षेत्रमा चाडो भन्दा चाडो दक्ष जनशक्ति  पठाएर उद्धार गर्नु पर्ने  सासंद गौतमको आग्रह छ। 

शुक्रबार राति ११ बजेर ४७ मिनेटमा जाजरकोटको रामीडाँडा केन्द्रबिन्दु भएर ६:४ रेक्टर स्केलको भूकम्प गएको थियो । उक्त भूकम्पबाट आइतबार दिउँसोसम्म जाजरकोट र रुकुमपश्चिम जिल्लामा  १५७ जनाको मृत्यु भएको थियो ।

भूकम्प आएपछि जाजरकोट र रुकुम पश्चिम लगायतका प्रभावित जिल्लामा सरकारी उच्च अधिकारी, राजनीतिक दलका नेताहरू र विभिन्न संघ संस्थामा आबद्ध व्यक्तिहरू ठूलो संख्यामा पुगेका छन्।

उनले भनिन्'भूकम्प प्रभावित ठाउँमा सिप भएका दक्ष जनशक्ति मात्र पठाउने अनावश्यक भिड नगर्ने आग्रह गरेकी हुन् ।  अनुगमन र अवलोकनका नाममा जाजरकोट र रुकुम पश्चिममा पर्यटन प्रबर्धन गर्ने, भिडभाड बढाउने बेला होइन, सरकारले उद्धारसँगै छिटो भन्दा छिटो क्षतिको तथ्यांक संकलन गर्ने र सोही अनुसार आकस्मिक र दीर्घकालीन सहयोग गर्न पर्छ ।

उनले नेपाली सेना, प्रहरी र स्थानीय तहहरूले प्रभावकारी काम गरिरहेको बताएकी छन् ।

भूकम्प प्रभावित क्षेत्रमा प्रधानमन्त्री पुष्पकमल दाहाल शनिबार बिहानै पुगेका थिए । उनले भूकम्प प्रभावित क्षेत्रमा १२ घण्टा बिताएर क्षतिको विवरण संकलन तथा प्रभावितसँग कुराकानी गरेर शनिबार नै काठमाडौं फर्किएका थिए । उपप्रधान तथा रक्षामन्त्री पूर्णबहादुर खड्का शनिबारदेखि नै कर्णालीका विभिन्न जिल्लामा प्रभावितहरूलाई भेटिरहेका छन् भने संघीय र प्रदेश सांसदहरू पनि प्रभावित क्षेत्रमा छन् । विभिन्न राजनीतिक दलका नेता र संगठनमा आबद्ध कार्यकर्ता पनि ती क्षेत्रमा रहेका छन् ।रास्वपाका सभापति सांसद रवि लामिछाने शनिबार नै जाजरकोट पुगेका थिए ।