भूकम्पमा परी मृत्यु भएका परिवारलाई रु दुई लाखका दरले राहत दिने

कार्तिक १९, काठमाडौ ।नेपाल सरकारले २ लाखका दरलले एक परिवारलाई जाजरकोट भूकम्पमा परी मृत्यु भएकालाई  राहत दिने निर्णय गरेको छ ।  सिंहदरबारमा आज बसेको मन्त्रिपरिषद् बैठकको निर्णय जानकारी गराउँदै नेपाल सरकारका प्रवक्ता एवं सञ्चार तथा सूचना प्रविधिमन्त्री रेखा शर्माले तत्काल राहतस्वरुप पहिलो चरणमा सो सहयोग उपलब्ध गराउने निर्णय भएको बताएकी छन् । 

जाजरकोट भूकम्पका कारण मृत्यु भएकाप्रति श्रद्धाञ्जली व्यक्त गर्दै राहत तथा उद्धारको कामलाई तीव्रता दिने  मन्त्री शर्माले बताइन । शुक्रबार राति जाजरकोट केन्द्रबिन्दु भई ६ दशमलव ४ रेक्टर स्केलको भूकम्प जाँदा जाजरकोट र रुकुमपश्चिम जिल्लामा १४७ जनाको मृत्यु भएको थियो ।