बलिदानबाट ल्याएको संघीय लोकतान्त्रिक गणतन्त्रलाई जोगाउन महिलालाई नेतृत्वमा लैजानुपर्छःअष्टलक्ष्मी शाक्य

मंसिर ८,काठमाडौं । अष्टलक्ष्मी शाक्य अनुसार बलिदानबाट ल्याएको संघीय लोकतान्त्रिक गणतन्त्रलाई जोगाउन र मुलुकलाई समृद्ध बनाउन महिलालाई नेतृत्वमा लैजानुपर्छ ।

नेकपा (एमाले) की उपाध्यक्ष एवं पूर्वमन्त्री अष्टलक्ष्मी शाक्यले संघीय लोकतन्त्रक गणतन्त्रलाई संस्थागत गर्न सबै दलहरु मिलेर अघि बढ्नुको विकल्प नरहेको जनाएकी छन् । 

ललितपुरमा आयोजित ‘राजनीतिको महिलाकरण’ विषय अन्तरक्रिया कार्यक्रममा बोल्दै उनले जनताको बलिदानपूर्ण संघर्षबाट प्राप्त संघीय लोकतान्त्रिक गणतन्त्रले समाजवादमा जाने लक्ष्य किटान गरेकाले सबै राजनीतिक दलहरुले संविधानको कार्यान्वयनमा जोड दिएर अघि बढ्नुपर्ने आवश्यक्ता पनि औंल्याइन् । 

उपाध्यक्ष शाक्यले भनिन्, ‘राजतन्त्र हटाएर संघीयतासहितको गणतन्त्र ल्यायौं । अहिले संविधानले समाजवादीको लक्ष्य बोकेको छ । उपलब्धिहरु धेरै भएका छन् । अहिले हाम्रो काम भनेको आन्दोलनबाट उपलब्धि भएको छ । त्यो उपलब्धिलाई रक्षा गर्ने मात्रै होइन, त्यसलाई प्रभावकारी कार्यान्वयन गर्ने हाम्रो दायित्व हो । हामी सबै दलहरुको हो । त्यो नगरी सुखै छैन । यसो भएको हुनाले बलिदानबाट ल्याएको संविधान, बलिदानबाट ल्याएको संघीय लोकतान्त्रिक गणतन्त्रलाई जोगाउने, बचाउने र यसलाई संस्थागत गर्ने तथा समृद्ध नेपाल निर्माण गर्ने हाम्रो महत्वपूर्ण दायित्व हो । समाजवादमा पुग्ने हाम्रो लक्ष्य हो । त्यसो भएको हुनाले हामी सबै दलहरु मिली अघि बढ्यौ भने संघीय लोकतान्त्रिक गणतन्त्रलाई जोगाउने, बचाउने सक्छौ। '

उनले भनिन्, ‘महिलाहरुको समावेशी प्रतिनिधित्वको बारेमा हामी कति स्पष्ट छौ भन्ने खालको कुरा यो बहसको विषय हुन अझै जरुरी छ । र, अर्को कुरा चाहीँ त्यो प्रतिनिधित्व गरेर जानेले पनि मेरो भुमिका के हुनुपर्छ भन्ने कुरामा समस्या छ । अहिले चाहीँ कस्तो छ भने तपाईलाई पार्टीले पठाएको हो । पार्टीले भनेको कुरा मान्नुपर्छ । पार्टीले भनेको कुरा त मान्नु पर्छ ।