प्लेअफ नाटकिय जितसँगै जापानी खेलाडी कुआवाकीको ऐतिहासिक सफलता

साउन १८, काठमाडौं । जापानकी युवा गल्फर सिहो कुआवाकीले सन् २०२६ को महिला ब्रिटिश ओपन (एआईजी महिला ओपन) को उपाधि जित्दै आफ्नो करियरकै सबैभन्दा ठूलो सफलता हासिल गरेकी छन्। इंग्ल्यान्डस्थित रोयल लिथम एन्ड सेन्ट एन्स मैदानमा सम्पन्न प्रतियोगितामा उनले जर्मनीकी एस्थर हेन्सेलाइटलाई प्लेअफमा पराजित गर्दै च्याम्पियन बन्न सफल भइन्।
प्रतिस्पर्धा अत्यन्तै रोमाञ्चक बनेको थियो। अन्तिम चरणमा हेन्सेलाइटले उत्कृष्ट प्रदर्शन गर्दै प्लेअफमा स्थान बनाएकी थिइन्। तर निर्णायक क्षणमा उनको ड्राइभ बल एक मार्शलको खुट्टामा लागेर दिशाविहीन हुँदा कुआवाकीलाई फाइदा पुगेको थियो।
प्लेअफको दबाबबीच कुआवाकीले संयमित खेल प्रदर्शन गर्दै पार जोगाएकी थिइन्, जसले उनलाई उपाधि दिलायो। यो उनको पहिलो मेजर उपाधि हो र अन्तर्राष्ट्रिय स्तरमा ठूलो उपलब्धिका रूपमा हेरिएको छ।
यसअघि ५४ होलपछि अग्रस्थानमा रहेकी अमेरिकी खेलाडी येलिमी नो अन्तिम चरणमा कमजोर प्रदर्शन गर्दै उपाधि दौडबाट बाहिरिएकी थिइन्। त्यसैगरी, विश्व चर्चित खेलाडीहरू नेली कोर्डा, जीनो थिटिकुल र र्यु हे–रानले पनि अपेक्षाअनुसार प्रदर्शन गर्न सकेनन्।
कुआवाकीको यस जितसँगै जापानले लगातार दोस्रो वर्ष महिला ओपन जित्ने उपलब्धि समेत हासिल गरेको छ। युवा खेलाडीको यो सफलता भविष्यमा अझ ठूलो सम्भावनाको संकेतका रूपमा लिइएको छ।