काठमाडौं। पुरुषभन्दा महिलामा बढी डिप्रेसनको समस्या देखिएको छ । काठमाडौंमा राष्ट्रिय ज्येष्ठ नागरिक महासंघले आयोजना गरेको कार्यक्रममा मनोचिकित्सक डा. रचना शर्माले पुरुषभन्दा ४ प्रतिशत बढी महिलामा डिप्रेसन समस्या देखिएको बताइन् । उनले महिलाहरुले बच्चा जन्माएपछि आफ्नो महत्त्व घटेको अनुभव गर्ने भएकाले डिप्रेसन बढी हुने गरेको शर्माको भनाइ छ ।
शर्माका अनुसार हाल विश्वमा ३३० मिलियन नागरिक डिप्रेसन पीडित छन् । नेपालमा डिप्रेसन पीडितको संख्या बृद्धि भए पनि चिकित्सकको संख्या भने धेरै कम रहेको उनको भनाइ छ ।राष्ट्रिय मानवअधिकार आयोगका अध्यक्ष अनुपराज शर्माले ज्येष्ठ नागरिकमा देखिएको डिप्रेसनलगायतका स्वास्थ्य समस्याबारे छलफल गर्न आयोगले सहयोग गर्ने बताए ।
कार्यक्रममा महासंघका अध्यक्ष रामनगिना सिंह, निवर्तमान अध्यक्ष डा. गौरीशंकरलाल दास, महासचिव छत्र प्रधानलगायतले डिप्रेसन समस्याबारे खुलेर कुरा गर्ने अभियान देशव्यापीरुपमा सञ्चालन गर्ने बताए । कान्तिपुरमाप्रकाशित खबर ।