नेपाली उत्पादनलाई ब्राण्डिङ गरी विश्व बजारमा पठाउनुपर्छ :उपसभामुख इन्दिरा राना

असार २७, काठमाडौं। उपसभामुख इन्दिरा रानाले नेपालमा उत्पादित  ब्राण्डिङ सामग्रीहरु गरी विश्व बजारमा पु¥याउन आवश्यक रहेको जानकारी दिएकी छन् । 

असार २३ र २४ गते चीनको गुइयाङ प्रान्तमा भएको इको फोरम ग्लोबल गुइयाङ–२०२३ कार्यक्रममा सहभागी भई नेपाल फर्किएपछि मङ्गलवार सिंहदरबारमा पत्रकार सम्मेलन गर्दै इन्दिरा रानाले यस्तो बताएकी हुन् ।

उनले भनिन्,  ‘त्यहाँको लोकल प्रोडक्टलाई बढी उहाँहरूले अर्ग्यानिक चकलेटहरू बनाएर ब्राण्डिङ गरेर विश्वमा पुर्‍याएको देखियो । यबेन माउताई भन्ने हाम्रो जस्तै रक्सी सेतो, कोदो, अन्नबाट बनाएर ब्राण्डिङ गरेर पठाउने रहेछ, हामीमा पनि धेरै यस्ता कुरा छन्, त्यसलाई ब्राण्डिङ गर्नुपर्छ जस्तो लागेको छ ।’

उपसभामुख राना नेतृत्वको संसदीय भ्रमण टोली असार २५ गते राति स्वदेश फर्किएको हो ।