डाक्टर, पाइलटदेखि मिस नेपालकै सन्तानसम्म, यी हुन् यस वर्षका २४ प्रतियोगी

बैशाख ३१, काठमाडौं । २७ औँ शृङ्खलाको मिस नेपाल अर्थात् ‘मिस नेपाल २०२३’ को फिनाले आगामी १३ जेठमा हुँदैछ । ललितपुर गोदावरीको सनराइज कन्भेन्सन सेन्टरमा आयोजना हुने प्रतियोगिताका लागि २४ सुन्दरी भिड्नेछन् । प्रतियोगितामा ‘मिस नेपाल वर्ल्ड’, ‘मिस नेपाल इन्टरनेसनल’ र ‘मिस नेपाल अर्थ’ जस्ता तीन शीर्ष उपाधि सहित विभिन्न सह–उपाधि विजेता पनि घोषणा हुनेछ ।

प्रतियोगिताको शीर्ष उपाधिका लागि अन्तिम स्पर्धामा भिड्न २४ सुन्दरी अहिले प्रतिभा निखार्दैछन् । जसका लागि उनीहरू विभिन्न प्रशिक्षणमा छन् ।

प्रशिक्षणका क्रममा उनीहरू आफूलाई जिम, डान्स, स्पीच र वाक लगायत विषयमा कोरियोग्राफरबाट निखारिरहेका छन्, भने पपुलर च्वाइसका लागि भोट पनि माग्दैछन् । यस वर्ष विभिन्न उपविधालाई पनि प्राथमिकता दिइएको छ ।

कम्तिमा ५ फिट ३ इन्च उचाइ तथा १८ देखि २७ वर्ष उमेरसम्मका प्रतियोगी सहभागी प्रतियोगिताको ‘ट्यालेन्ट राउन्ड’ र ‘फिटनेस राउन्ड’ सकिएको छ । ‘ट्यालेन्ट राउन्ड’ केही दिन अगाडि पोखरमा आयोजना भएको थियो, भने फिटनेस राउन्ड’ बिहीबार काठमाडौँमै गरिएको थियो ।

११ वटा सहविधा मध्य ९ वटाका लागि आगामी जेठ ४ गते विभिन्न प्रतिस्पर्धा आयोजना हुने आयोजक हिडन ट्रेजरका  प्रमोद कंसाकारले बताए । विगतका भन्दा यसवर्ष प्रतियोगिता अझै धूमधामसँग आयोजना हुने उनको भनाई छ ।

यो वर्ष कस्ता छन् प्रतियोगी

मिस नेपालबाट करियर निर्माण त हुन्छ नै त्यसको अलावा नेपालको प्रतिनिधित्वको रूपमा उनीहरूले विभिन्न प्लेटफर्ममा अवसर पनि प्राप्त गर्नेछन् ।

त्यसैले पनि डाक्टर, व्यवसायी, पाइलटदेखि मिस नेपालको सन्तानसम्म यो पटकको प्रतिस्पर्धामा उपाधिका लागि भिड्दैछन् ।

यसपटक प्रतियोगी नम्बर १ मा दाङकी रैना मजगैया छिन् । उनी कमर्सियल पाइलट हुन् । नम्बर २ मा स्मारिका कार्की रहेकी छन् । काठमाडौँकी कार्की मास मिडिया कम्युनिकेसनकी छात्रा हुन् । ३ मा प्रज्ञा बज्राचार्य छिन् । कम्प्युटर साइन्सरइन्फरर्मेसन टेक्नोलोजीमा स्नातक गरेकी बज्राचार्य पनि काठमाडौँकै हुन् ।

४ कबिना श्रेष्ठ र ५ मा आयुषा महर्जन छन् । काठमाडौँकी श्रेष्ठले फेसन टेक्नोलोजीमा स्नातक गरेकी छन् भने कीर्तिपुरकी महर्जन एमबीए ग्लोबल लिडरसिपर म्यानेजमेन्ट पास हुन् ।

त्यस्तै प्रतियोगी नम्बर ६ कीर्ति बर्तौला हेटौँडाकी हुन् । उनले डेन्टल सर्जरीमा स्नातक गरेकी छन् । ७ सुधा देवकोटा चितवनकी हुन् । उनी पत्रकारितामा ब्याचलर गर्दै छिन् । नम्बर ८ की ललितपुरबाट प्रतियोगी प्रसिद्धि शाह वातावरण विज्ञानमा स्नातक हुन् । उनी पहिलो मिस नेपाल रुवि राणाकी छोरी पनि हुन् ।

नम्बर ९ मा भक्तपुरकी सृष्टि हाडा छिन् । उनी सिभिल इन्जिनियर हुन् । १० मा ललितपुरकी सदीक्षा थापा छिन् । उनी नर्सिङ साइन्स (सायक्यायट्रिक)मा स्नातक हुन् ।

नम्बर ११ मा वर्षा गौतम छिन् । भक्तपुरकी गौतम वातावरण विज्ञानमा स्नातक हुन् । १२ मा उन्नति गुरुङ छिन् । पोखराकी गुरुङ एमबीए(अन्तिम वर्ष) ग्लोबल लिडरसिपरम्यानेजमेन्ट अध्ययनरत छिन् ।

यस्तै १३ आयुष्मा बराल सुनसरीकी हुन् । उनी समाजशास्त्ररअङ्ग्रेजी साहित्यमा स्नातक गर्दै छिन् । १४ रजनी मिश्रा नुवाकोटकी हुन् । उनी सीए पढ्दै छिन् ।

१५ नाम होलिस्का कोइराला काठमाडौँकी छन् । उनी इन्टरनेशनल बिजनेसमा स्नातक छिन् ।

यस्तै प्रतियोगी नम्बर १६ स्विन्जा सुनम ललितपुरकी हुन् । उनी सामाजिक कार्यरसाइकोलोजीमा स्नातक गर्दै छिन् । १७ नम्बरकी श्रीच्छा प्रधान काठमाडौँकी हुन् । उनी लिबरल आर्टस्रसासाइन्स मा स्नातक छिन् ।

नम्बर १८ की ग्रिष्मा अधिकारी धादिङबाट छिन् । उनको डेन्टल सर्जरीमा स्नातक जारी छ । १९ मा अपेक्षा खतिवडा भक्तपुरकी छन् । उनी बिजनेस एड्मिनिस्ट्रेसनमा स्नातक छिन् । नम्बर २० की कृतिका बस्नेत काठमाडौँकी छन् । उनी कम्प्युटर साइन्सरआइटीमा स्नातक हुन् ।

२१ नम्बरकी ऐश्वर्या श्रेष्ठ पनि काठमाडौँकी नै हुन् । उनले सोसल वर्कमा स्नातकोत्तर गरेकी छन् । नम्बर २२ की छिरिङ डोल्मा पाख्रिन ललितपुरकी हुन् । उनी स्नातककी विद्यार्थी हुन् ।

प्रतियोगी नम्बर सुहानी क्षेत्री झापाबाट सहभागी भएकी हुन् । उनको सोसोलोजीरसाइकोलोजीमा स्नातक जारी छ । २४ नम्बरमा रहेकी प्रीतिका खड्का काठमाडौँबाटै रहेकी छन् । उनी फेसन डिजाइनिङमा अन्डर ग्राजुएट हुन् ।

पहिले र अहिले
मिस नेपाल प्लेटफर्म करियर निर्माणका लागि युवतीहरू माझ आकर्षण छ किनभने यो प्लेट फर्मबाट चुनिएका व्यक्तिहरू विभिन्न करियरमा सफल छन् ।

सौन्दर्य प्रतियोगिता प्रति सामाजको सोच फराकिलो बन्दै गएको छ । यस्ता प्रतियोगितालाई भविष्य निर्माणको एउटा अवसरको रूपमा बुझ्न थालिएको छ ।

त्यसैले डाक्टर, पाइलट, इन्जिनियर लगायत प्रतिष्ठित पेसाका व्यक्तिहरूसमेत प्रतियोगितामा उपस्थिति बढ्दो छ । गतवर्ष ‘मिस नेपाल’का २४ मध्ये ६ जना डाक्टर रहेका थिए । जसमा दिलाशा डोटेल, आयुष्नोभा ढुंगाना, मेरिका बास्तोला(डेन्टिष्ट), सरीषा श्रेष्ठ, यशस्वी श्रेष्ठ र गंगा गुरुङ रहेका थिए । जसमा डा.सरीषा श्रेष्ठले ‘मिस नेपाल अर्थ’ को उपाधि समेत चुमेकी थिइन् ।

यो पटक पनि मिस नेपालमा कमर्सिल पाइलट, डाक्टरदेखि फेसन डिजाइनर, पत्रकारिता, बिजनेस, टेक्नोलोजीदेखि साइन्स अध्ययन गरिरहेकासम्म छन् । गत वर्षको तुलनामा यो पटक अझ बढी पेसासँग अबद्ध व्यक्तिहरूको सहभागिता छ ।

७ औँ शृङ्खलामा आइपुग्दा मिस नेपालमा धेरै परिष्कृत भएको छ । त्यो सँगै यसै प्रतियोगीताका विजेताका सन्तान समेत सहभागी हुन थालेका छन् ।

पहिलो ‘मिस नेपाल’ बनेर नेपाली सौन्दर्य प्रतियोगिताको इतिहासमा आफ्नो नाम सुनौलो अक्षरमा लेखाउन सफल रुवि राणाकी छोरी प्रसिद्धि शाहको प्रतियोगितामा सहभागिताले भने मिस नेपाल अझ ‘परिपक्व’ भएको देखिन्छ ।