असार १७, काठमाडौं । सञ्चार तथा सूचना प्रविधिमन्त्री रेखा शर्माले चलचित्रको गुणस्तर विकास गर्नुपर्ने बताएकी छन् । शनिवार चलचित्र विकास बोर्डको २३ औं वार्षिकोत्सव कार्यक्रमलाई सम्बोधन गर्दै उनले यस्तो बताएकी हुन् । उनले पहिला संरचना वृद्धि गर्ने त्यसपछिगुणस्तरीय चलचित्र निर्माण को जरुरी रहेको बताइन् ।
मन्त्री शर्माले भनिन्, ‘हामीले स्वदेशी चलचित्रको कुरा गरेका छौँ । स्वदेशी चलचित्र प्रवद्र्धन गर्नुपर्छ । राज्यका नीतिबाट यसलाई अघि बढाउन जरुरी छ । सरकारले अपनाउने नीतिबाट पनि यसको पहिलो संरक्षण हुनुपर्छ ।’
उनले स्वदेशी चलचित्र प्रवद्र्धनमा जोड दिनुपर्ने बताइन् । उनले चलचित्रमा विषयवस्तु पस्किने, कलाकारिताको परिष्कृत रुप देखाउने र अहिलेको देशको आवश्यकताका रुपमा देखाउन आवश्यक रहेको समेत बताइन् । ‘हामीले हाम्रो चलचित्रको गुणस्तर विकास गर्नैपर्छ । यसलाई हेर्नैपर्ने बनाउनै पर्छ । त्यसो गर्दा विषयवस्तु पस्किने, कलाकारिताको परिष्कृत रुप देखाउने र अहिलेको देशको आवश्यकताका रुपमा देखाउन जरुरी छ ।’
मन्त्री शर्माले सरकारले मौलिक चलचित्रलाई प्रोत्साहन गर्न लागिपरेको बताइन् ।