गर्मीमा फाउन्डेसन प्रयोग नगरेको राम्रो

असार ६, काठमाडौं। फाउन्डेसनको सट्टा मोस्चराइजर प्रयोग गर्न उचित हुन्छ ।  तर, अनुहारका अनावस्यक फोकाहरु मेट्नु छ भने मात्र मोस्चराइजरको प्रयोग पछि आवस्यकता अनुसार फाउन्डेसन लगाउने अन्यथा फाउन्डेसनको प्रयोग गर्मीमा उचित हुदैन । गर्मीमा दिउसो फाउन्डेसनको प्रयोगबाट जोगिनु नै पर्छ । यसका अलवा दाग र धव्वालाई लुकाउन कन्सिलर नै राम्रो हुन्छ । बरु पाउडर वेस कम्प्याक्ट प्रयोग गर्नुपर्छ । 

मेकअप परिवर्तन गर्ने 
गर्मीमा भरसक नेचुरल लुक अपनाउने । आखाको मेकअपका लागि पेस्टल वा न्युड कलर प्रयोग गर्नु राम्रो हुन्छ । लिपिस्टिक लाइट पिंक वा नेचुरल कलर प्रयोग गर्न‘पर्छ । अनुहारमा मात्र हैन घाटी, ब्याक र हातखुट्टाको सरसफाइ एवं सुन्दरतामा पनि उतिकै ध्यान पुर्याउनुपर्छ । मेकअप गर्नलाई वाटर वेस मेकअप छनोट गर्नुपर्छ । पेडिकेयर, मेनिकेयर गर्नुपर्छ । हातखुट्ट वा हातलाई हेल्दी राख्न घरमै पनि सफा गर्ने र क्युटिकल क्रिम प्रयोग गर्नुपर्छ । गर्मीबाट खुट्टालाई सुन्दर राख्न मोस्चराइजरको साटो टोनर प्रयोग गर्न सकिन्छ । गर्मीमा बढी पसिना आउने हुदा पानीको मात्र बढाई आफूलाई सुन्दर राख्न प्राकृतिक तत्वयुक्त कस्मेटिकहरुको प्रयोग अधिक गर्नु राम्रो हुन्छ ।