एसीसीए परीक्षामा विश्वभरका विद्यार्थीलाई पछि पार्दै घिसिङ शीर्ष स्थानमा

माघ ९, काठमाण्डौं । भर्खरै प्रकाशनमा आएको नतिजाअनुसार सिड फाइनान्सियल एकेडेमीकी एसीसीए विद्यार्थी इमा घिसिङले डिसेम्बर २०२२ को परीक्षामा एसीसीएका दुईवटा प्रश्नपत्रमा आफूलाई शीर्ष स्थानमा स्थापित गर्दै उल्लेखनीय उपलब्धि हासिल गरेकी छन्। 

विश्वभरका अन्य हजारौँ विद्यार्थीलाई पछि पार्दै घिसिङले प्रभावशाली रुपमा ट्याक्सेसनमा ९९५ र अडिट एन्ड अस्युरेन्समा ८६५ अंक प्राप्त गरेकी हुन्। उनले अडिट एन्ड अस्युरेन्स र ट्याक्सेसनमा क्रमशः १२ हजार ७५० र ११ हजार ७८८ विद्यार्थीहरुमध्ये विश्वव्यापी रूपमा पहिलो स्थान हासिल गरेकी हुन्। 

एसीसीए योग्यतालाई लेखा र वित्तको क्षेत्रमा व्यावसायिक योग्यताको मापदण्डका रूपमा मान्यता दिइन्छ र रोजगारदाताद्वारा उच्च मूल्यांकन गरिन्छ। 

एसीसीए सदस्य तथा सिड फाइनान्सियल एकेडेमीका प्रमुख कार्यकारी अधिकृत ९सीईओ० अनन्त गौतमले भने, ‘इमाको यस उपलब्धिमा म असाध्यै गौरवान्वित र हर्षित भएको छु र यो उनको कडा परिश्रम र लगनशीलता साथसाथै संस्थाले प्रदान गरेको शिक्षाको गुणस्तरको प्रमाण पनि हो।’

घिसिङको उपलब्धि विद्यार्थीलाई लेखा र वित्तको प्रतिस्पर्धात्मक क्षेत्रमा सफल हुन आवश्यक ज्ञान र सीपहरु प्रदान गर्नका लागि प्रतिष्ठित संस्था सिड फाइनान्सियल एकेडेमीका लागि पनि ठूलो उपलब्धि हो।

घिसिङको यसप्रकारको उपलब्धि सबै नेपाली विद्यार्थीहरुका लागि प्रेरणाको स्रोत बनेको छ। उनले स्थापित गरेको यस उदाहरणलाई कडा परिश्रम र दृढ संकल्पले लेखा र वित्तको क्षेत्रमा सफलता हासिल गर्न सकिन्छ भन्ने प्रमाणका रुपमा हेर्न सक्छन्।

सिड फाइनान्सियल एकेडेमी नेपालमा एसीसीए अध्यापन गराइने संस्थाहरुमध्येको एक प्रख्यात संस्था हो। सिड फाइनान्सियल एकेडेमी गोल्ड स्वीकृत लर्निङ पार्टनर हो र एसीसीए यूकेको लाइसेन्स प्राप्त सीबीई सेन्टर पनि हो।