एनआरएन साउदीमा पहिलो पटक रबिना अर्याल अध्यक्ष निर्वाचित

साउन १४,काठमाडौं । गैरआवासीय नेपाली संघ राष्ट्रिय समन्वय परिषद साउदी अरेबियाको २०२३-२०२५ को लागि रबिना अर्याल अध्यक्षमा  चयन भएकी छन् । संस्थाको नबौं महाधिवेशनबाट उनी स्वतः अध्यक्षमा चयन भएकी हुन् ।

त्यस्तै वरिष्ठ  उपाध्यक्षमा उमेश भट्टराई ,उपाध्यक्षमा राज कुमार गिरि,कृष्ण कुमार श्रेष्ठ, मनिष कोइराला र हेम सुबेदी महासचिवमा शुक्र तामाङ, सचिवमा ध्रुब कटुवाल , कोषाध्यक्षमा योगेन्द्र श्रेष्ठ, सह(कोषाध्यक्षमा दुर्गा बहादुर काउचा, युवा संयोजकमा बिष्णु रावत ,महिला संयोजकमा लक्ष्मी थापा मगर, चयन भएका छन् ।

सदस्यहरूमा देवीबहादुर कार्की,युवराज पोखरेल,पदम बहादुर महत, दिपक ढुङ्गाना ,अमृत बहादुर तामाङ ,धर्मेन्द्र कार्की र ओम प्रकाश काफ्ले चयन भएका छन् । यसैगरी आईसीसी सदस्यहरूमा स्वतः राम बहादुर क्षेत्री,दिपक रेग्मी र बिशाल कुमार श्रेस्ठलाई निर्विरोध घोषणा गरिएको छ । 

एनआरएन साउदीको बरिष्ठ उपाध्यक्षको लागि  विशाल श्रेष्ठ र उमेश भट्टराईबीच चुनाव हुने घोषणाको अन्तिम अवस्थामा दुबै पक्षबिच सहमति भएको  र विशाल श्रेष्ठले बरिष्ठ उपाध्यक्ष पदको लागि उमेश भट्टराईलाई चयन गरे भने भट्टराईले श्रेष्ठलाई आईसीसी सदस्यको लागि लिखितरूपमा सहमति जनाइ  बरिष्ठ उपाध्यक्षको लागि चुनाव नहुने घोषणा गरेका थिए । 

नवनिर्वाचित अध्यक्ष अर्यालले आफूलाई निर्विरोध निर्वाचित गरेकोमा धन्यवाद व्यक्त गरिन् । उनले सबै संघसंस्थासँग सामाजिक कार्यमा सहकार्य गर्दै  संस्थाको हकहितको लागि काम गर्ने जानकारी दिइन्।