आमाको ‘अस्थायी साधन’ हातमा समातेर बच्चा जन्मिएपछि‘

अहिलेको प्रविधिले मानिसलाई जतिधेरै राहत दिएको छ उत्ति नै समस्या पनि खडा गरिरहेको छ । गर्भनिरोधका लागि महिलाहरुले विभिन्न खाले अस्थायी साधनहरु प्रयोग गर्ने गर्दछन् । त्यसमा पाठेघरभित्र राख्ने औजार आइयुसिडी पनि एक हो ।

तर जब पाठेघरभित्र उक्त अस्थायी साधन राखिरहेको बेलामै गर्भ रहन्छ र ती महिलाको गर्भबाट बच्चा जन्मिँदा बच्चाले सोही अस्थायी साधन हातमा छोपिरहेको हुन्छ, भने त्यसलाई विज्ञानको असफलता भन्ने कि चमत्कार रु साँच्ची आफैलाई संसारमा आउन नदिनका लागि आमाको पाठेघरमा राखिएको हतियारलाई हातमा पक्रेर अमेरिकामा एउटा बच्चा जन्मिएको यो खबर अहिले खुबै चर्चामा छ ।

घटना अमेरिकाको टेक्सासको हो । लुसी हेलेन नामकी महिलाले तत्काल बच्चा जन्माउन चाहन्नथिन्, त्यसैले उनले पाठेघरमा राख्ने गर्भनिरोधको अस्थायी साधन प्रयोग गरिन् । तर सायद भावीलाई त्यो स्विकार्य थिएन । पाठेघरमा अस्थायी साधन राखेको ४ महिनामै उनको गर्भ रह्यो ।

अघिल्लो हप्ता उनले एउटा सुन्दर बच्चा जन्माइन् । बच्चा जति सुन्दर छ सोसल मिडियामा उत्ति नै चर्चाको केन्द्र बनिरहेको छ ।

दुनियामा हरेक सेकेण्डमा तिनजना बच्चा जन्मिरहेका हुन्छन् भने यो बच्चाले मात्र किन चर्चा पायो त रु गर्भनिरोधको साधन प्रयोग गरिरहेको बेलामा गर्भ रहेर जन्मिएको भएर मात्र यसको चर्चा भएको होइन । यो बच्चाले जन्मिने बेलामा जुन वस्तु हातमा समातिरहेको थियो त्यो नै चर्चाको कारण हो ।

वास्तवमा लुसीले गर्भनिरोधका लागि पाठेघरमा राखेको अस्थायी साधनलाई हातमा पक्रेर उनको छोरा यो दुनियामा प्रकट भयो । लुसीले आफ्नो छोराको उक्त फोटो सोसल मिडियामा शेयर गरिन्, जसको क्याप्सन थियोः irena बर्ष । अस्थायी साधन पक्रिएर जन्मिएको बच्चा स्वस्थ छ र तौल पनि अन्य बच्चाको भन्दा धेरै छ ।

लुसीका अनुसार उनीहरुले यो बच्चाको कुनै योजना बनाएका थिएनन् । तर बच्चा जन्मिएसँगै त्यसले असीम खुसी ल्याएको छ उनको परिवारमा । उनी भन्छिन्स् मैले यति खुसी त कहिल्यै महसुस गरेकै थिइन । एजेन्सी