काठमाडौं । नेपालकै लोपोन्मुख थामि जातिको राष्ट्रिय संग्राहलय निर्माणका लागि सहयोग जुटाउने उद्देश्यले राजधानीमा शनिबार नेपाल फेसन एरा २०१६ आयोजना भएको छ । नेपाल फेसन हाउस र सगरमाथा फाउण्डेसन नेपालको संयुक्त आयोजनामा शनिवार दरबारमार्गस्थित होटल अन्नपूर्णमा मोडलहरुलाई ऱ्याम्पमा उतारिएको हो । फेसन एरामा कोरियाग्राफी जेनिशा मानन्धरले गरेकी थिइन । ८ डिजाइनर समूहको डिजाइनमा मोडलहरुलाई सजाइएको थियो । निल डेभिड कट्वाल समूहले मेकअपआर्टिस्टहरुको समेत सहभागिता रहेको थियो । थामि जातिको संग्राहलय दोलखामा निर्माण हुनेछ ।
थामि जातिको सहयोगका लागि आयोजित कार्यक्रममा चर्चित महिला निर्देशक दिपाश्री निरौला प्रमुख सेलिब्रेटी रुपमा सहभागी थिइन । उनले पनि आफ्नो तर्फबाट थामि जातिको संग्राहलय निर्माणका लागि १६ हजार सहयोगको घोषणा गरिन् ।कार्यक्रमका सहभागीलाई फेसन सोसागै कलाकारहरुले मनोरञ्जन समेत दिलाएका थिए । गायिक श्रेया सोतांग, फिरोज अर्पण, सुनिलसिंह ठकुरी, बबिता मानन्धरले गीत गाएका थिए भने नेपा डान्स र माइलक समूहले आकर्षक नृत्य प्रस्तुत गरेको थियो । सो अवसरमा थामि जातिका बालबालिकालाई केही समाजसेवीले शैक्षिक सामाग्री समेत प्रस्तुत गरेका नेपाल फेसन हाउसकी विभू न्यौपानेले बताइन ।