आमाको संघर्षबाट प्रेरित छु : पूर्वराजदूत शेर्पा

वैशाख २४,काठमाडौं । 

स्पेनका लागि पूर्वराजदूत दावा फुटी शेर्पाले आमाको संघर्षबाट प्रेरित भएको बताएकी छन् ।
स्पेनका लागि पूर्वराजदूत दावा फुटी शेर्पाले आफ्नो जीवनको संघर्ष र आमाको संघर्षलाई साझा गर्दै भनिन्र, ३२ वर्षअघि, मेरो आमा पासाङलाह्मु शेर्पा सगरमाथा चढ्दा म सानै थिएँ, त्यसैले मैले उहाको संघर्ष सिधै देखिनँ निर्भिक नारीको पाँचौं संस्करणको पहिलो सत्र ‘अदृश्य अवरोध’ शीर्षकको बहसमा बोल्दै उनले थपिन, तर जब उहाँको बारेमा फिल्म बन्यो—ुपासाङ स् इन द स्याडो अफ एभरेष्टु—त्यतिबेला महिला क्लाइम्बरहरूले फिल्म हेरेपछि भने, उनीहरूले आमाको र हाम्रो कथा उस्तै रहेछ भने। यसो सुनेर दुस्ख लागेको थियो, ३२ वर्षपछि पनि उहाहरूले यसो रिलेट गर्नुहुन्छ ।
उनी थप्छिन्, उहाँले कहिल्यै पढ्न पाउनु भएन । तर उहाको सपना ठूलो थियो र त्यसको लागि उनले थुप्रै चुनौतीहरूको सामना गर्नुपर्यो । त्यतिबेला धेरैले ’उहाँ प्रफेसनल क्लाइम्बर होइन । तर मेरी आमाले आफूलाई चुनौती दिँदै सगरमाथा चढ्न सफल भइन् । 

दावाले आफ्नो अनुभव पनि साझा गर्दै भनिन्, जब मैले एम्बेसडरको रूपमा नियुक्ति पाएको थिएँ, कतिले भने कि तपाईंसग अनुभव छैन । मैले दुई वर्ष स्पेनमा काम गरेपछि, केहीले अझै पनि मलाई यस्तो गरे भने अझै राम्रो हुन्थ्यो भनेर सुझाव दिए । उनका अनुसार, यदि मेरो स्थानमा पुरुष भएको भए, यस्ता टिप्पणीहरू आउने थिएनन्।

उनले आमाको संघर्षबाट प्रेरणा लिएर आफ्नो यात्रामा अघि बढिरहेकाले नयाँ चुनौतीहरूको सामना गर्नका लागि तयार रहेको बताइन् । मेरो आमाको जस्तै चुनौतीहरू नहुन सक्छन्, तर नयाँ चुनौतीहरू थपिएका छन्।