‘वर्क फ्रम होम’ स् यसरी मिलाउनुस् जीवनसाथीसँगको सम्बन्ध र अफिसको कामको प्रबन्ध

चैत २८,काठमाण्डौ। कोरोनाभाइरसको बढ्दो प्रकोपका कारण विश्वभरिका मानिसहरु सामाजिक दूरी कायम गरिरहेका छन्।

कोरोना रोकथाम तथा नियन्त्रणका लागि विश्वका अधिकांश देशहरु लकडाउन गरिएपछि मानिसहरु आफ्नै घरमा बन्द छन्। विश्वमा अहिले करोडौँ कर्मचारी घरबाटै काम ९वर्क फ्रम होम० गरिरहेका छन्। 

विश्वभरका कर्मचारीहरुले डाइनिङ रुम, बेडरुम, किचनलगायत घरभित्रै आफ्नो अफिस बनाई कब्जा गरिरहेका छन्। यद्यपि आफ्नी श्रीमतीका साथ कम गर्न झन् रोमाञ्चक हुन्छ तर एक समयपछि भने त्यो तनावमा परिणत हुन्छ। 
 

यस दौरान वर्क फ्रम होम, बच्चाहरुको हेरचाहजस्ता कतिपय जिम्मेवारीसँगै जीवनसाथीसँग राम्रो सम्बन्ध बनाइराख्नु चनौती भएको छ। हामी तपाइँहरुलाईं जीवनसाथीसँग स्वस्थ सम्बन्ध बनाइराख्न अफिसको कामलाई कसरी व्यवस्थापन गर्न सकिन्छ भन्नेबारे टिप्स दिँदैछौँ।
 

सिफ्ट तयार गर्नुहोस्

जीवनसाथीसँग २४ घण्टा सँगै रहँदा झगडाको डर हुनसक्छ। यस्तो बेलामा काम गर्ने सिफ्ट तय गरी दिनभरिको जिम्मेवारी आपसमा बाँड्नुपर्छ। यसका साथै दिनको अन्तमा एउटा सानो मिटिङ राखी कामको प्रगति समीक्षा र भोलिको योजनाबारे खुलेर छलफल गर्नुहोस्।
 

जीवनसाथीसँग सहकर्मीजस्तो व्यवहार नगर्नुहोस्
 

तपाइँ घरबाटै काम गरिरहनुभएको हुनाले अफिसका सहकर्मीसरह आफ्नो जीवनसाथीसँग व्यवहार नगर्नुहोस्। आफ्नो मनमा खेलेको कुराहरु उनीसँग सेयर गर्नुहोस्। आफ्नो कामको चर्चा गर्नुहोस् र जीवनसाथीसँग अझ राम्रो गर्न सुझाव माग्न सक्नुहुन्छ।
 

कुराकानी सेयर गर्नुहोस्

जतिबेला तपाइँलाई अफिसको कामबाट फुर्सद मिल्छ त्यति नै बेला आफ्नो जीवनसाथीसँग आफ्नो कुरा राख्नुहोस्। यसो गर्दा एकअर्कालाई राम्रोसँग बुझ्ने मौका मिल्छ। आफ्नो मनका कुरा जीवनसाथीसँग साट्न ढिला नगर्नुहोस्।

सम्बन्धका बारे कुरा गर्नुहोस्

जीवनसाथीसँग आफ्नो सम्बन्धका बारे पनि चर्चा गर्दै गर्नुहोस्। ऊ अथवा उनी के चाहन्छन् वा चाहन्छिन्, यो विषयका बारेमा पनि जान्न कोशिस गर्नुहोस्। दिनभरिका कामका बारे सोधपुछ र हालचाल बुझ्नुहोस्।

तारिफ र प्रशंसा गर्नुहोस्

आफ्नो जीवनसाथीको तारिफ गर्नुहोस् साथै उसको कामलाई हौसला पनि बढाइदिनुहोस्। तपाईँले सँगै गरिरहनुभएको कुनै कार्यमा एकअर्कालाई धन्यवाद पनि दिनुहोस्।

नजिक रहनुहोस् तर पर्याप्त दूरी पनि बनाउनुहोस्

सम्बन्धमा पनि पर्सनल स्पेस हुुन धेरै जरुरी हुन्छ। जुन यो लकडाउनका अवधिमा लगभग पुरै अस्तव्यस्त भइरहेको छ। तपाइँ आफ्नो लागि पनि समय निकाल्नुहोस्।