१५ लाखमा छोरा जन्माउन ग्यारेन्टी दिने आइभिएफ सेन्टर दुवई र भारतमा भेटिए

मंसिर २३, काठमाडौं । नेपालमा महिला हिंसा विरुद्धको १६ दिने अभियान चलिरहँदा उता छिमेकी राष्ट्र भारतमा भने १५ लाखमा छोरा जन्माउने एक आइभिएफ सञ्चालनमा आएको कुरा सार्वजनिक भएको छ । 

१५ लाखमा छोरा जन्माउन सफल बनाउने आइभिएफ सेन्टरको मुख्य शाखा भने दुवईमा भएको र हाल सोही शाखा भारतमा पनि बिस्तार भएको पाइएको छ । दुवईमा सञ्चालित आइभिएफ क्लिनिकले भारतिय दम्पतीको लागी खास 
प्याकेज दिइरहेको छ । उक्त आइभिएफले सतप्रतिशत छोरा हुने ग्यारेन्टि पनि दिन्छ । हाल भारतमा चलिरहेको प्याथोलोजी ल्याबदेखि स्थानीयसम्म आइभिएफमा सहभागी भएको कुरा बाहिरिएको छ । 

यस्तै, उक्त आइभिएफमा एजेन्टमार्फत दम्पतीहरु क्लिनिकसम्म पुग्छन् । अनुसन्धानका आइभिएफले ग्यारेन्टीकासाथ छोरा जन्माउने प्रक्रिया सुरु गरिन्छ । यस्तै, छोरा जन्माउन भारतीय केहि दम्पतीहरु दुवई गएर बस्ने, खाने र चेकअपको लागी करिब १५ लाख रुपयाँ र्खच गर्नसमेत तयार हुन्छन्। 

महिला अनुसन्धानका अनुसार छोराको मोहमा गर्भमा आएकी छोरीको भू्रणमा नै हत्या गरेर छोरो जन्माउने सिलसिला तिब्र भएको पाइएको छ । भ्रूणमानै छोरा हो की छोरी भनेर हेर्ने प्रविधी (एन्म् पिजिडी ) मार्फत हेर्नेकाम भारतमा हुन्छ । तर, उक्त प्रविधी मानीसका लागी निकै नै घातक भएको अनुसन्धानले बाताएको छ । यसपश्चात मात्रै छोरा जन्माउनका लागी ग्यारेन्टीका साथ भारतीय दम्पतीहरु दुवईतर्फ प्रस्थान हुन्छन् । अहिले आइभिएफका यस्तो गैरकानुनी धन्दा हाल दुवईदेखि अमेरिकासम्म विस्तार भइसकेको अनुसन्धानमा खुलेको छ । यसरी मेडिकल साइन्स नै छोरीमाथी भइरहेको विभेदकारी हिंसाको भूमिकामा देखिनुले कतै आधुनिक समाजले महिलालाई गर्ने हिंसाको अवस्था कतै बिगतभन्दा झनै उत्कर्समा पुग्ने त हैन भन्ने संकेत गरे जस्तो देखिन्छ ।