बैशाख ३, काठमाण्डौ । पेप्सीकोलास्थित सनसिटी अपार्टमेन्टको ुएु ब्लगका २४६ बढीको र्यापिड डाइग्नोष्टिक टेस्ट(आरडिटी)को रिपोर्ट नेगेटिभ आएको छ ।
अपार्टमेन्टको ुएु ब्लगको १५ औं तलामा बस्ने एकै परिवारका २ जनामा कोरोना संक्रमण पुष्टि भएपछि सो ब्लकका सबैको आरडिटी विधिबाट नमूना परीक्षण गरिएको थियो ।
सो क्रममा करिब ३०० को नमूना परीक्षण भएकोमा सबैको रिपोर्ट नेगेटिभ आएको हो ।
सबैको रिपोर्ट नेगेटिभ आएको खुशियालीमा अहिले अपार्टमेन्ट परिसरमा नमूना दिएकाहरुले खुशियालीमा घण्टी बजाउँदै र गीत लगाउँदै नाचगान गरिरहेका छन् ।
निकै ठूलो होहल्लाको साथ त्यहाँ नाचगान चलिरहेको प्रत्यक्षदर्शी निलगिरी टोल सुधार समितिका अध्यक्ष खेम दंगालले जानकारी दिए ।
लण्डनबाट चैत ५ गते काठमाण्डौ आएका सो अपार्टमेन्टका एकै परिवारका २ जनामा कोरोना संक्रमण पुष्टि भएपछि सो क्षेत्रका बासिन्दा त्रासमा थिए ।
सरकारले समेत २ दिनअघिदेखि सबै अपार्टमेन्ट क्षेत्रलाई शिल्ड गरेको थियो । स्वास्थ्य मन्त्रालयले बुधबार बिहानैदेखि सो क्षेत्रमा द्रूत गतिको परीक्षण सुरु गरेको थियो ।
सो क्रममा एु ब्लगमा बसोबास गर्ने २४६ जना, अपार्टमेन्टका सुरक्षा गार्ड, कर्मचारी, सफाई मजदूर लगायत गरी करिब ३०० को परीक्षण भएको थियो ।